महत्वाच्या बातम्या

  चंद्रपूर बातम्या

आदिवासी उमेदवारांच्या स्पर्धा परिक्षापूर्व प्रशिक्षणासाठी तज्ज्ञ व्याख्यात्यांना आवाहन बातम्या - Chandrapur

आदिवासी उमेदवारांच्या स्पर्धा परिक्षापूर्व प्रशिक्षणासाठी तज्ज्ञ व्याख्यात्यांना आवाहन


विदर्भ न्यूज एक्सप्रेस प्रतिनिधी / चंद्रपूर : आदिवासी उमेदवारांना वर्ग-३ व वर्ग-४ पदांच्या भरतीसाठी घेण्यात येणाऱ्या स्पर्धात्मक परीक्षांची तयारी करता यावी, यासाठी आदिवासी उमेदवारांकरिता कौशल्य विकास, रोजगार व उद्योजकता माहिती व मार्गदर्शन केंद्र, चंद्रपूर यांच्या माध्यमातून स्पर्धा परीक्षापूर्व प्रशिक्षण देण्यात येते. या प्रशिक्षणासाठी सामान्य ज्ञानासह विविध विषयांतील पात्र, अनुभवी व तज्ज्ञ व्याख्यात्यांनी कार्यालयाशी संपर्क साधावा, असे आवाहन कौशल्य विकास, रोजगार व उद्योजकता मार्गदर्शन अधिकारी रोशन शंकर गभाले यांनी केले आहे.आदिवासी उमेदवारांना स्पर्धा परीक्षांविषयी आवश्यक मार्गदर्शन उपलब्ध करून देणे, विविध शासकीय व निमशासकीय सेवांमधील रोजगाराच्या संधींची माहिती देणे तसेच कौशल्य विकास व उद्योजकतेबाबत मार्गदर्शन करणे, या उद्देशाने केंद्रामार्फत प्रशिक्षण कार्यक्रम आयोजित करण्यात य...

- VNX बातम्या | अधिक वाचा.. →
गावकऱ्यांच्या हक्कासाठी उभ्या राहिलेल्या तंटामुक्ती सदस्याला धमकी : विरूरमध्ये संतापजनक प्रकार बातम्या - Chandrapur

गावकऱ्यांच्या हक्कासाठी उभ्या राहिलेल्या तंटामुक्ती सदस्याला धमकी : विरूरमध्ये संतापजनक प्रकार


विदर्भ न्यूज एक्सप्रेस प्रतिनिधी / चंद्रपूर : राजुरा तालुक्यातील विरूर स्टेशन येथे ग्रामपंचायत कार्यालयात व्यक्तिगत कामासाठी गेलेल्या तंटामुक्ती सदस्याला ग्रामपंचायत सदस्याने अश्लील व अर्वाच्य भाषेत शिवीगाळ करून मारहाणीची तसेच जीवे मारण्याची धमकी दिल्याचा गंभीर आरोप समोर आला आहे. या प्रकारामुळे परिसरात खळबळ उडाली असून, संबंधिताविरुद्ध कायदेशीर कारवाई करण्याची मागणी करण्यात आली आहे.तंटामुक्ती सदस्य जगतसिंग गुरमीतसिंग वधावन यांनी यासंदर्भात विरूर पोलीस ठाण्यात तक्रार अर्ज दिला आहे. तक्रारीनुसार, १८ सप्टेंबर रोजी दुपारी सुमारे १२ वाजता वधावन हे व्यक्तिगत कामासाठी अर्ज सादरण्यास ग्रामपंचायत कार्यालयात गेले होते. ग्रामसेवकांशी अर्जाबाबत चर्चा सुरू असताना ग्रामपंचायत सदस्य प्रदीप पाला तेथे आले.त्यानंतर पाला यांनी जुन्या वादाचा राग मनात धरून आपल्याला अत्यंत अश्लील व अपमानास्पद भाषेत शिव...

- VNX बातम्या | अधिक वाचा.. →
नऊ गावांत एकच गणराया : एक गाव, एक गणपतीतून एकजुटीचा संदेश बातम्या - Chandrapur

नऊ गावांत एकच गणराया : एक गाव, एक गणपतीतून एकजुटीचा संदेश


विदर्भ न्यूज एक्सप्रेस तालुका प्रतिनिधी / बल्लारपूर : गणेशोत्सवाच्या पार्श्वभूमीवर बल्लारपूर पोलीस ठाण्याच्या ग्रामीण हद्दीत ‘एक गाव, एक गणपती’ या उपक्रमाला उत्स्फूर्त प्रतिसाद मिळाला आहे. ग्रामीण हद्दीतील तब्बल नऊ गावांनी पुढाकार घेत एकाच ठिकाणी गणरायाची प्रतिष्ठापना केली आहे. या उपक्रमामुळे गावागावांत सामाजिक एकोपा, बंधुभाव आणि सामूहिक सहभागाचे वातावरण निर्माण झाले आहे.केम तुकूम, मोहाळी तुकूम, कोर्टी मक्ता (नवीन), कोर्टी मक्ता (जुनी), कोर्टी तुकूम, इटोली, कारवा, आसेगाव आणि गिलबिली या नऊ गावांचा एक गाव, एक गणपती उपक्रमात समावेश आहे. विविध गणेश मंडळांऐवजी ग्रामस्थांनी एकत्र येत एकाच ठिकाणी गणरायाची स्थापना केल्याने गणेशोत्सवाला यंदा सामूहिक स्वरूप प्राप्त झाले आहे.या उपक्रमासाठी बल्लारपूर पोलीस ठाण्याचे पोलीस निरीक्षक बिपिन इंगळे यांच्या मार्गदर्शनाखाली पोलीस हवालदार महेंद्र वन्न...

- VNX बातम्या | अधिक वाचा.. →
चिचपल्ली येथे स्वच्छता ही सेवा अभियानाचा तालुकास्तरीय शुभारंभ बातम्या - Chandrapur

चिचपल्ली येथे स्वच्छता ही सेवा अभियानाचा तालुकास्तरीय शुभारंभ


विदर्भ न्यूज एक्सप्रेस प्रतिनिधी / चंद्रपूर : स्वच्छतेबाबत नागरिकांमध्ये जनजागृती निर्माण करणे, सार्वजनिक ठिकाणांच्या स्वच्छतेसाठी लोकसहभाग वाढविणे तसेच शासनाच्या विविध योजना व सेवा नागरिकांपर्यंत प्रभावीपणे पोहोचविण्याच्या उद्देशाने चिचपल्ली येथे ग्रामपंचायत व जिल्हा परिषद प्राथमिक शाळेत स्वच्छता ही सेवा आणि सेवा संकल्प अभियानाचा तालुकास्तरीय शुभारंभ करण्यात आला.चंद्रपूर पंचायत समितीच्या गटविकास अधिकारी संगिता भांगरे यांच्या मार्गदर्शनाखाली आयोजित या कार्यक्रमाला सहायक गटविकास अधिकारी पाल, गटशिक्षण अधिकारी यादव, विस्तार अधिकारी पंचायत यारेवार, विस्तार अधिकारी पंचायत मिनाक्षी बन्सोड, स्वच्छता समन्वयक खानझोड तसेच तालुका स्वच्छता व्यवस्थापक आशिया शेख यांच्यासह विविध विभागांचे अधिकारी व कर्मचारी उपस्थित होते.यावेळी उपस्थित अधिकारी व कर्मचाऱ्यांना स्वच्छता ही सेवा आणि सेवा संकल्प अभियानाच...

- VNX बातम्या | अधिक वाचा.. →
अंगणवाडी उत्सव व पोषण माहनिमित्त भद्रावतीत जनजागृती बातम्या - Chandrapur

अंगणवाडी उत्सव व पोषण माहनिमित्त भद्रावतीत जनजागृती


- सेवा संकल्प अभियान उपक्रमांतर्गत विविध कार्यक्रमविदर्भ न्यूज एक्सप्रेस प्रतिनिधी / चंद्रपूर : महिला व बालकांच्या सर्वांगीण विकासासोबतच पोषण, आरोग्य, शिक्षण आणि मुलींच्या संरक्षणाबाबत जनजागृती करण्याच्या उद्देशाने पंचायत समिती सभागृह, भद्रावती येथे बेटी बचाओ बेटी पढाओ, सेवा संकल्प अभियान, अंगणवाडी उत्सव तसेच पोषण अभियानांतर्गत पोषण माह या उपक्रमांचे आयोजन करण्यात आले.कार्यक्रमाचे उद्घाटन जिल्हा महिला व बालविकास अधिकारी मीनाक्षी भस्मे यांच्या हस्ते तर अध्यक्षस्थानी पंचायत समितीचे गटविकास अधिकारी आशुतोष सपकाळ होते. यावेळी सहाय्यक गटविकास अधिकारी डॉ. बंडू आकनुरवार, बाल विकास प्रकल्प अधिकारी पूनम गेडाम, प्रशिक्षक अभिषेक मोहुर्ले, धर्मेंद्र मेश्राम, प्रिया पिंपळशेंडे, विस्तार अधिकारी स्नेहल चार्लॅकर आदी उपस्थित होते.कार्यक्रमाच्या प्रारंभी राजमाता जिजाऊ आणि क्रांतिज्योती सावित्रीबाई फुले ...

- VNX बातम्या | अधिक वाचा.. →
मुलींच्या शिक्षणाला संरक्षणाची जोड : राजुऱ्यात बेटी बचाओ, बेटी पढाओ अभियानातून जनजागृती बातम्या - Chandrapur

मुलींच्या शिक्षणाला संरक्षणाची जोड : राजुऱ्यात बेटी बचाओ, बेटी पढाओ अभियानातून जनजागृती


विदर्भ न्यूज एक्सप्रेस  प्रतिनिधी / चंद्रपूर : मुलींचे शिक्षण, सुरक्षितता, संरक्षण आणि सर्वांगीण विकास याबाबत समाजात जागरूकता निर्माण करण्याच्या उद्देशाने जिल्हा महिला व बाल विकास कार्यालय, चंद्रपूर अंतर्गत जिल्हा बाल संरक्षण कक्ष, सखी वन स्टॉप सेंटर आणि चाइल्ड हेल्पलाइन यांच्या संयुक्त विद्यमाने बेटी बचाओ, बेटी पढाओ तसेच सेवा संकल्प अभियानांतर्गत जनजागृती कार्यक्रमाचे आयोजन करण्यात आले.राष्ट्रसंत तुकडोजी महाराज सभागृह, पंचायत समिती राजुरा येथे १८ सप्टेंबर रोजी हा कार्यक्रम पार पडला. या कार्यक्रमात किशोरवयीन मुलींचे महत्त्व, त्यांचा मानसिक व आर्थिक विकास, शिक्षणाच्या समान संधी आणि मुलींच्या सर्वांगीण प्रगतीसाठी आवश्यक असलेल्या विविध बाबींवर मार्गदर्शन करण्यात आले.मुलींना शिक्षणाच्या समान संधी मिळणे, त्यांचा आत्मविश्वास व मानसिक विकास होणे तसेच भविष्यात त्या आर्थिकदृष्ट्या सक्षम ह...

- VNX बातम्या | अधिक वाचा.. →
नवरगाव येथील श्री. ज्ञानेश कनिष्ठ महाविद्यालयातील मुलींचे कबड्डी स्पर्धेत घवघवीत यश बातम्या - Chandrapur

नवरगाव येथील श्री. ज्ञानेश कनिष्ठ महाविद्यालयातील मुलींचे कबड्डी स्पर्धेत घवघवीत यश


- प्रथम क्रमांक पटकावत विभागीय स्पर्धेसाठी संघाची निवडविदर्भ न्यूज एक्सप्रेस तालुका प्रतिनिधी / सिंदेवाही : जिल्हास्तरीय अंडर-१९ मुलींच्या कबड्डी क्रीडा स्पर्धेत सिंदेवाही तालुक्यातील नवरगाव येथील श्री ज्ञानेश कनिष्ठ महाविद्यालयातील मुलींनी सिदेवाही तालुक्याचे नेतृत्व करत उत्कृष्ट कामगिरी करत प्रथम क्रमांक पटकावला. या उल्लेखनीय कामगिरीच्या जोरावर महाविद्यालयाच्या संघाची विभागीय स्तरावरील स्पर्धेसाठी निवड झाली आहे.संघातील खेळाडूंनी संपूर्ण स्पर्धेत उत्कृष्ट सांघिक खेळ, शिस्त, जिद्द आणि आत्मविश्वासाचे प्रदर्शन करत प्रतिस्पर्धी संघांवर मात केली. त्यांच्या या यशामुळे महाविद्यालयाच्या शिरपेचात आणखी एक मानाचा तुरा रोवला गेला आहे.या यशाबद्दल महाविद्यालयाचे प्राचार्य डॉ. अमृत लंजे कनिष्ठ महाविद्यालयाच्या पर्यवेक्षिका प्रा. गीता सोनवणे क्रीडा मार्गदर्शक समन्वयक प्रा. स्वप्निल बोरकर, प्रा....

- VNX बातम्या | अधिक वाचा.. →
तडीपारचा आदेश झुगारून बल्लारपुरात वावर : आरोपी वर पोलिसांची कारवाई बातम्या - Chandrapur

तडीपारचा आदेश झुगारून बल्लारपुरात वावर : आरोपी वर पोलिसांची कारवाई


विदर्भ न्यूज एक्सप्रेस तालुका प्रतिनिधी / बल्लारपूर : चंद्रपूर जिल्ह्यातून एक वर्षासाठी हद्दपार करण्यात आलेला इसम पुन्हा बल्लारपूर परिसरात बिनधास्तपणे फिरताना आढळून आल्याने बल्लारशाह पोलिसांनी त्याला ताब्यात घेतले. योगेश शंकर येरोल २५ वर्ष रा. रविंद्रनगर वॉर्ड, बल्लारपूर, असे कारवाई करण्यात आलेल्या इसमाचे नाव आहे. हद्दपारीच्या आदेशाचे उल्लंघन केल्याप्रकरणी त्याच्याविरुद्ध महाराष्ट्र पोलीस कायद्यान्वये कलम १४२ अंतर्गत गुन्हा दाखल करण्यात आला आहे.प्राप्त माहितीनुसार, १८ सप्टेंबर रोजी बल्लारशाह पोलिसांचे पथक परिसरात पेट्रोलिंग करीत असताना सीएचएल डायल ११२ वरून एक इसम ग्रामीण रुग्णालय बल्लारपूर येथे धामधूम करून डॉक्टरसोबत हुज्जत घालत असल्याची माहिती मिळाली. माहितीची खातरजमा करण्यासाठी पोलीस उपनिरीक्षक उमेश दिगंबर जोगदंड यांच्या नेतृत्वाखाली पोलीस पथकाने घटनास्थळी धाव घेतली.यावेळी योगेश येर...

- VNX बातम्या | अधिक वाचा.. →
दारूच्या काळ्या धंद्यावर एलसीबी पोलिसांचा घाव : भिसी मार्गावर ७.५१ लाखांचा मुद्देमाल जप्त बातम्या - Chandrapur

दारूच्या काळ्या धंद्यावर एलसीबी पोलिसांचा घाव : भिसी मार्गावर ७.५१ लाखांचा मुद्देमाल जप्त


विदर्भ न्यूज एक्सप्रेस प्रतिनिधी / चंद्रपूर : अवैध दारूच्या वाहतुकीतून सुरू असलेल्या काळ्या धंद्याला स्थानिक गुन्हे शाखेने जोरदार धक्का दिला. भिसी पोलीस ठाण्याच्या हद्दीत उमरेड-भिसी मार्गावरील जेबी हॉटेलजवळ विदेशी दारूची वाहतूक करणाऱ्या वाहनावर छापा टाकत पोलिसांनी दोन आरोपींना ताब्यात घेतले. या कारवाईत विदेशी दारूसह कार असा तब्बल ७ लाख ५१ हजार ८५० रुपयांचा मुद्देमाल जप्त करण्यात आला.१८ सप्टेंबर रोजी स्थानिक गुन्हे शाखेच्या पथकाला विदेशी दारूची अवैधरित्या वाहतूक होत असल्याची गोपनीय माहिती मिळाली. माहितीची खातरजमा करून पथकाने उमरेड-भिसी मार्गावर सापळा रचला. संशयित Ford Ecosport कार क्रमांक GJ-15-CD-3292 पोलिसांच्या नजरेत येताच पथकाने कारवाई करत वाहनाची झडती घेतली.झडतीदरम्यान कारमध्ये रॉयल स्टॅग क्लासिक व्हिस्कीच्या दोन लिटर क्षमतेच्या २१९ बाटल्या आढळून आल्या. या विदेशी दारूची किंमत २ ला...

- VNX बातम्या | अधिक वाचा.. →
सवलतीच्या प्रवाशांसाठी एसटीचे महत्त्वाचे पाऊल : NCMC कार्ड प्रक्रियेत बदल बातम्या - Chandrapur

सवलतीच्या प्रवाशांसाठी एसटीचे महत्त्वाचे पाऊल : NCMC कार्ड प्रक्रियेत बदल


विदर्भ न्यूज एक्सप्रेस  प्रतिनिधी / चंद्रपूर : महाराष्ट्र राज्य मार्ग परिवहन महामंडळाच्या (एसटी) NCMC कार्ड प्रकल्पांतर्गत अमृत ज्येष्ठ नागरिक, ज्येष्ठ नागरिक तसेच महिला सवलतधारक प्रवाशांसाठी कार्ड नोंदणी व वितरणाची प्रक्रिया सुरू आहे. सवलतीच्या प्रवासाचा लाभ अधिक सुलभपणे मिळावा यासाठी महामंडळाने नोंदणी व कार्ड वितरण प्रक्रियेत काही महत्त्वाचे बदल केले आहेत.बायोमेट्रिक प्रमाणीकरणावेळी बोटांचे ठसे जुळत नसलेल्या अमृत ज्येष्ठ नागरिक लाभार्थ्यांना आता आधारकार्डशी संलग्न भ्रमणध्वनी क्रमांकावर प्राप्त होणाऱ्या OTPच्या माध्यमातून NCMC कार्डची नोंदणी करता येणार आहे. ही सुविधा २१ सप्टेंबर २०२६ पासून उपलब्ध होणार आहे.दरम्यान, हरवलेले अथवा चोरीला गेलेले NCMC कार्ड ब्लॉक करून १९९ रुपये शुल्क भरून नवीन कार्डासाठी नोंदणी करण्याची सुविधाही २१ सप्टेंबरपासून सुरू करण्यात येणार आहे.१९ सप्टेंबरपर्यंत NC...

- VNX बातम्या | अधिक वाचा.. →