महत्वाच्या बातम्या

तुमसर येथील अंगणवाडीमध्ये पंडित जवाहरलाल नेहरू यांची जयंती संपन्न

- सागर गभने यांनी बालक दिनी बालकांना खुर्च्या भेट दिले.
विदर्भ न्यूज एक्सप्रेस
प्रतिनिधी / भंडारा : देशभरात दरवर्षी १४ नोव्हेंबर रोजी बालदिन साजरा करण्यात येतो. देशाचे पहिले पंतप्रधान पंडित जवाहरलाल नेहरू यांची जयंती असते. पंडित जवाहरलाल नेहरू यांचा जन्मदिन हा भारतात बालदिन म्हणून साजरा करण्यात येतो.
बालदिवसाच्या निमित्ताने देशभरात शाळांमध्ये लहान मुलांसाठी वेगवेगळे कार्यक्रम, खेळांचे आयोजन करण्यात येतात. अनेक ठिकाणी मुलांना भेटवस्तू सुद्धा दिल्या जातात.
यासोबतच या दिवशी मुलांना बाल हक्कांबाबत जागरूक केले जाते. मुलांसाठी शिक्षण, आरोग्य, संस्कृती हे फारच महत्वाचे असते कारण हीच मुले आपल्या देशाचे भविष्य घडवणार असतात.
विद्यार्थ्याना सुख सुविधा व्यवस्थित देत असल्यामुळे दिवसेंदिवस इंग्रजी शाळांची संख्या वाढत आहे, परिणामी नगर परिषद शाळा व अंगणवाडी तुमसर शहरांतील पालकही पाठ फिरवू लागले आहेत. तुमसर येथील नगर परिषद गांधी शाळा येथे तुमसर येथील सदैव शिक्षणासाठी, खेळाडूंसाठी, विद्यार्थ्यांच्या हितासाठी मदतीचा हात देणारे समाजसेवक राजमुद्रा ग्रुप संस्थापक अध्यक्ष सागर गभने यांनी अंगणवाडीतील विद्यार्थाना खुर्च्या भेट देत बालक दिन साजरा केला.
यावेळी सागर गभने यांनी सांगितले की, आजची मुले देशाचे भविष्य आहेत. यश आणि विकासासाठी गुरुकिल्ली आहे आणि ते देशाला नवीन तंत्रज्ञानाच्या मार्गाने नेत आहेत. ते देशाचे भविष्य आणि उद्याचे नागरिक होणार आहेत. ते देशाचे सामर्थ्य आणि समाजाचा पाया आहेत. म्हणून मुलांचे काळजीपूर्वक आणि प्रेमाने पालन पोषण केले पाहिजे.
यावेळी गांधी शाळेचे मुख्याध्यापक रायकवाड, मंगेश ढोके, हेडाऊ, अंगणवाडी सेविका मंदा जटाळ, अंगणवाडी मदतनीस वर्षा बडवाईक, संकेत गजबिये, अनुप तिडके, हितेश मेहर, सोमेश्वर लांजेवार, चेतन जटाल उपस्थित होते.