आर्णी येथे भरदिवसा भाजपा कार्यकर्त्याची निर्घृण हत्या


विदर्भ न्यूज एक्सप्रेस 
प्रतिनिधी / यवतमाळ :
जिल्ह्यातील  आर्णीमध्ये भरदिवसा एका भाजपा कार्यकर्त्याची तिघांनी वार करुन निर्घृण हत्या करण्यात आल्याची खळबळजनक घटना घडली आहे. विशेष म्हणजे या मारहाणीचा व्हिडिओ  सोशल मीडियात व्हायरल झाला आहे. या प्रकरणी पोलिसांनी तीनही हल्लेखोरांना ताब्यात घेतले आहे. आज १४ डिसेंबर रोजी दुपारी ही घटना घडली.
निलेश मस्के असे हत्या करण्यात आलेल्या भाजपा कार्यकर्त्याचे नाव आहे.  पैशाच्या वादातून ही घटना घडल्याचे  कळते. भर दुपारी तीन जणांनी निलेशला भर रस्त्यात मारहाण करायला सुरुवात केली. काठी सदृश्य हत्याराने त्यांनी त्याला मरेपर्यंत मारहाण केली. तसेच त्याला वाचवायला गेलेल्या त्याच्या मित्रालाही त्यांनी भोसकलं यात तो ही गंभीर जखमी झाला आहे.  चार महिन्यांपूर्वीच निलेशने भाजपामध्ये प्रवेश केला होता. तो  मनमिळावू कार्यकर्त्या असल्याचे परिसरातील नागरिकांकडून सांगण्यात येत आहे. त्यामुळे अशा कार्यकर्त्याची भरदिवसा हत्या झाल्याने परिसरात हळहळ व्यक्त करण्यात येत आहे. तसेच काही काळ येथे तणावाचे वातावरण होते. दरम्यान, पोलिसांनी या तिनही हल्लेखोरांना ताब्यात घेतले आहे.



  Print






News - Rajy | Posted : 2018-12-14






Related Photos