उधारीवर साहित्य घेऊन व्यापाऱ्याची २ कोटी ४६ लाखांनी केली फसवणूक


विदर्भ न्यूज  एक्सप्रेस 
प्रतिनिधी / पुणे :
बुधवार पेठेतील इलेक्ट्रोनिक्स बाजारपेठेत दुकान थाटून तेथील व्यापाऱ्यांकडून उधारीवर माल घेऊन तो विकून  पती पत्नी फरार झाल्याने व्यापाऱ्याची २ कोटी ४६ लाखांनी फसवणूक झाली . याप्रकरणी इंडियन केबल्स अँड इलेक्ट्रिकल्स प्रा.लि.चे मालक सुरेश शिवनदास जेठवानी यांनी फरासखाना पोलीस ठाण्यात दिलेल्या फिर्यादीवरून पोलिसांनी चौघांविरुद्ध गुन्हा दाखल केला आहे़. प्रल्हाद लक्ष्मण हरियानी, जान्हवी हरियानी, सुनिल श्रीचंद हरियानी, अनिल श्रीचंद्र हरियानी सर्व रा़. मीरा सोसायटी, शंकरशेठ रोड अशी त्यांची नावे आहेत़. 
 पोलिसांनी दिलेल्या माहितीनुसार, हरियानी यांचा इलेक्ट्रिक साहित्य विक्रीचा व्यवसाय आहे. जेठवानी बुधवार पेठ भागातील इलेक्ट्रिक साहित्याची विक्री बाजारातील मोठे व्यावसायिक आहेत. गेल्या आठ वर्षांपासून हरियानी यांनी त्यांच्याकडून लॉर्ड इलेक्ट्रीकल्स या फर्मचे नावावर १ कोटी ५३ लाख ४ हजार आणि जे़ पी़ इलेक्ट्रो इंटरप्रायझेस या फर्मच्या नावार ९३ लाख ८३ हजार रुपये असे २ कोटी ४६ लाख ८७ हजार रुपयांचे साहित्य घेतले होते. त्यासाठी त्यांनी पोस्ट डेटेड चेक्सही दिलेले आहेत़. 
पुढील तपास वरिष्ठ पोलीस निरीक्षक किशोर नावंदे  करत आहेत़.  



  Print






News - Rajy | Posted : 2018-11-17






Related Photos