वरिष्ठ आयपीएस अधिकाऱ्यावर महिला आयपीएस अधिकाऱ्याचा शारिरिक शोषण केल्याचा आरोप


वृत्तसंस्था / चेन्नई : तामिळनाडूमध्ये   पोलीस अधीक्षक (एसपी) पदावर  कार्यरत असलेल्या महिला पोलीस अधिकाऱ्याने  वरिष्ठ आयपीएस अधिकाऱ्यावर  शारिरिक शोषण केल्याचा आरोप केला आहे.   एवढेच नाही तर  ज्यावेळी ते आपल्याजवळ बोलवत होते, तेव्हा मोबाइलवर पॉर्न व्हिडीओ पाहत असत. त्यांच्याकडून धमकी देण्यात आल्याचा आरोप सुद्धा महिला एसपीकडून करण्यात आला आहे.  आरोपी पोलीस महानिरीक्षक (आयजी) पदावर कार्यरत आहेत.  याप्रकरणी तक्रार दाखल होताच, राज्य सरकारने चौकशी समिती नेमली आहे. 
महिला एसपीने लिखित तक्रार दाखल केली  असून पोलीस महानिरीक्षक माझ्याशी गळाभेट घेण्याची संधी पाहत असतात. काहीवेळा माझी जबरदस्तीने गळाभेट घेतली. मला ते चुकीच्या पद्धतीने स्पर्श करत होते. याला मी विरोध केला, तर त्यांनी मला दुसऱ्या  कारणावरुन त्रास द्यायला सुरुवात केली. गेल्या सात महिन्यांपासून पोलीस महानिरीक्षक त्रास देत आहेत. तसेच, रात्री उशिरा कॉल करत होते आणि अश्लील मेसेज पाठवत होते. त्यांच्या म्हणण्यानुसार ऐकले नाही, तर एसीआर खराब करण्यात येईल अशी धमकी दिल्याचे म्हटले आहे.   याप्रकरणी चौकशी  समिती नेमली आहे. या समितीत डीजीपी सीमा अग्रवाल, एसयू अरुणाचलम आणि डीआयजी थेमोझी यांचा समावेश आहे.  



  Print






News - World | Posted : 2018-08-20






Related Photos