भरधाव इनोव्हाने रस्त्याच्या कडेला उभे असलेल्यांना चिरडले : ४ ठार तर दोघे गंभीर


विदर्भ न्यूज एक्सप्रेस 
प्रतिनिधी / ठाणे :
भरधाव इनोव्हाने शहापूरजवळ रस्त्याच्या कडेला उभे असलेल्या लोकांना चिरडले. यात ४ ठार तर दोघे गंभीर जखमी झाल्याची घटना  मुंबई-आग्रा महामार्गावर शनिवारी सकाळच्या सुमारास घडली . 
 मुंबईहून नाशिककडे निघालेल्या इनोव्हा चालकाचे शहापूरजवळ आल्यानंतर वाहनावरील नियंत्रण सुटले. चालकाने रस्त्याच्या कडेला उभ्या असलेल्या लोकांच्या अंगावर गाडी घातली. त्यानंतर इनोव्हा खोल खड्ड्यात जाऊन आदळली. यात रस्त्याच्या कडेला उभ्या असलेल्या चौघांचा जागीच मृत्यू झाला. तर दोघे गंभीर जखमी झाले. यात इनोव्हा चालकाचाही समावेश आहे. अपघातानंतर त्वरीत मदतकार्य सुरु करण्यात आले. पोलीसही घटनास्थळी धावले. जखमींवर ठाणे उपजिल्हा रुग्णालयात उपचार सुरु आहेत.



  Print






News - Rajy | Posted : 2018-11-17






Related Photos