गोमनी येथे भारतरत्न डॉ.बाबासाहेब आंबेडकर यांच्या पुतळ्याचे प्रा.जोगेंद्र कवाडे यांच्याहस्ते अनावरण


विदर्भ न्यूज एक्सप्रेस 
तालुका प्रतिनिधी / मुलचेरा
:  काल ७ जानेवारी रोजी  पंचशील बौद्ध मंडळ गोमनी/भीमनगर यांच्या वतीने भारतरत्न डॉ.बाबासाहेब आंबेडकर यांच्या अधिकृत पुतळ्याचे अनावरण (स्थापना) करण्यात आले. 
कार्यक्रमाचे उद्घाटन   पीपल्स रिपब्लिकन पार्टी चे राष्ट्रीय अध्यक्ष तथा आमदार  प्रा.जोगेंद्र कवाडे  यांच्या हस्ते करण्यात आले . पाहुण्यांचे स्वागत ढोल-ताशा व भीम गीत म्हणून  करण्यात आले. यावेळी कार्यक्रमाच्या  अध्यक्षस्थानी   माजी राज्यमंत्री  धर्मरावबाबा आत्राम होते.  विशेष अतिथी म्हणून  माजी आमदार डॉ.नामदेवराव उसेंडी, जि. प. च्या बांधकाम  सभापती  भाग्यश्रीताई आत्राम   ,  माजी आमदार  दीपक आत्राम ,  माजी जि. प.अध्यक्ष  प्रशांत कुतरमारे  , प्रमुख अतिथी म्हणून पि. आर.पी.   चंद्रपूर जिल्हा सचिव  मनोहर रामटेके,  जि. प.सदस्य  रवींद्र  शाह  , पं. स.सभापती  सुवर्णाताई येमुलवार मूलचेरा, जि. प.सदस्य  युधिष्टीर बिस्वास  ,नगरसेवक   उमेश पेळूकर  न.पं. मूलचेरा, प्रकाश गलबले अहेरी,  अविनाश शेंडे  गोमनी, नगराध्यक्ष दीपक परचाके न.पं. मूलचेरा  आदी  उपस्थित होते.
  भारताच्या पावन भूमीवर अनेक महापुरुषांनी जन्म घेऊन देशासाठी व समाजासाठी अहोरात्र कार्य करुन सामाजिक बांधिलकी व राष्ट्रनिष्ठा जोपासली आहे. त्यांचा सेवेचा वारसा आजही देशवासियांसाठी आदर्श, मार्गदर्शक व दिशा दर्शक ठरलेला आहे. अशा या थोर महापुरुषात डॉ. बाबासाहेब आंबेडकर यांचे नाव सर्वात वर आहे. डॉ.बाबासाहेब आंबेडकर हे रात्रीचे दिवस करून आपल्या देशासाठी लढले व दिवसरात्र एक करून राज्यघटना लिहली. बाबासाहेब हे  आपल्या दलित वासीयांसाठी नाही तर आपल्या देशासाठी लढले व तुम्हा आम्हा सर्वांसाठी लढले. असे प्रतिपादन प्रा.जोगेंद्र कवाडे  म्हणाले. 
  कार्यक्रमाचे प्रास्ताविक  अविनाश शेंडे  यांनी केले.   कार्यक्रमाचे आयोजन शेंडे ,  अध्यक्ष नीलकंठ महोरकर ,  सिद्धार्थ दुर्गे , सचिव शुभम शेंडे  , कोषाध्यक्ष अक्षय गोंगले यांनी केले. कार्यक्रमाचे  संचालन  आनंद अलोने  यांनी केले तर आभार उमेश पेळूकर यांनी मानले.



  Print






News - Gadchiroli | Posted : 2019-01-08






Related Photos