पालकमंत्री ना. राजे आत्राम यांच्या पुढाकाराने अतिदुर्गम भागातील रस्ते, पूल, आरोग्य, वीज, शिक्षणाचे बळकटीकरण


- कोट्यवधींचा निधी आणला खेचून 
विदर्भ न्यूज एक्सप्रेस 
प्रतिनिधी / गडचिरोली  :
राज्याचे आदिवासी विकास व वने राज्यमंत्री तथा गडचिरोली जिल्ह्याचे पालकमंत्री मा.ना.राजे अम्ब्रीशराव महाराज आत्राम यांनी अहेरी विधानसभा क्षेत्रातील तसेच संपूर्ण गडचिरोली जिल्ह्यातील विविध विकासकामांना प्राधान्य देत  गेल्या साडेचार वर्षात कोट्यवधींचा विकासनिधी खेचून आणला आहे. यामुळे रस्ते,पूल,आरोग्य,वीज व शैक्षणिक तसेच इतरही समस्या मार्गी लागणार आहेत. 
 ना.अम्ब्रीशराव महाराज  आत्राम यांच्याकडे आदिवासी विकास, वने राज्यमंत्री व गडचिरोली जिल्ह्याचे पालकमंत्री पद सोपविण्यात आल्यामुळे  अहेरी विधानसभा क्षेत्रात विकासकामांना गती  मिळाली.  ना. आत्राम यांनी जिल्ह्यातील तालुका मुख्यालयी असलेल्या ग्रामपंचायतींना नगर पंचायतींचा दर्जा मिळवून देण्यासाठी पाठपुरावा केला. यामुळे  नगर पंचायतींच्या विकासनिधीमध्ये मोठ्या प्रमाणावर वाढ होवून शहरांच्या विकासाला चालना मिळाली. प्रत्येक नगर पंचायतींना विकासकामांसाठी निधी मिळवून दिला.  नगर पंचायतींच्या हद्दीत स्वच्छता, हायमास्ट लाईट,पक्के रस्ते निर्माण केले जात आहेत.  पालकमंत्री मा.राजे अम्ब्रीशराव आत्राम यांचा शिफारशीने  सर्व  नगर पंचायतीला   प्रत्येकी ५ कोटींचा विकास निधी मिळाला आ हे.
अहेरी उपविभागातील आरोग्याच्या असुविधा लक्षात घेता महिला व बाल रूग्णालय अहेरी येथे उभारण्यासाठी ५८ कोटींचा निधी खेचून आणला.   दर्जेदार इंग्रजी माध्यमाचे शिक्षण आदिवासी मुलांना मिळावे म्हणून अहेरी येते एकलव्य विद्यालय साठी २२ कोटी व मॉडेल स्कुलच्या नवीन इमारतीसाठी ५ कोटी रूपयांचा निधी खेचून आणला आहे, दरवर्षी पावसाळ्यात अनेक दिवस मार्ग बंद करणाऱ्या अहेरी जवळील गडअहेरी नाल्यावर पुलाच्या बांधकामासाठी १३ कोटी रूपयांचा निधी मंजूर करण्यात आला आहे, यामुळे नागरिकांची पावसाळ्याच्या दिवसातील समस्या दूर होणार आहे.
आलापल्ली – नागेपल्ली येथील पाणीपुरवठा योजनेसाठी १० कोटी ,आलापल्ली आणि सिरोंचा येथे सर्व सोयी – सुविधायुक्त बसस्थानकांच्या निर्मितीसाठी प्रत्येकी ५ कोटी रूपयांचा निधी मंजूर करून घेतला. तसेच अहेरी आणि सिरोंचा नगर पंचायतींना ८५ लाख रूपये किमतीचे अग्नीशमन वाहने उपलब्ध करून दिले. 
आलापल्ली येथे प्राथमिक आरोग्य केंद्रांच्या नवीन इमारत बांधकामासाठी ७ कोटी, सिरोंचा तालुक्यातील रंगय्यापल्ली येथे प्राथमिक आरोग्य केंद्र इमारत बांधकामासाठी ४ कोटी रूपयांचा निधी मंजूर करून घेतला.    आलापल्ली येथील ६६ केव्ही विद्युत उपकेंद्राचे १३२ केव्ही उपकेंद्रामध्ये रूपांतरण करण्याचे काम  करण्यात आले आहे.   लगाम येथे ३३ केव्ही उपकेंद्राचे  काम  करण्यात आले. याशिवाय स्वातंत्र्याच्या ७० वर्षानंतर वीज आणि बस ची प्रतीक्षा करणाऱ्या गावांमध्ये पालकमंत्री ना. आत्राम यांनी स्वतः जाऊन वीजपुरवठ्याचा शुभारंभ केला. बस फेरीचा शुभारंभ केल्यानंतर स्वतः त्या गावापर्यंत बसने प्रवास करून नागरिकांना आवागमनासाठी सुविधा उपलब्ध करून दिली.  



  Print






News - Gadchiroli | Posted : 2019-04-16






Related Photos