महत्वाच्या बातम्या

 कृषी उत्पन्न बाजार समीतीमध्ये शेतकऱ्यांचा सत्कार


विदर्भ न्युज एक्सप्रेस 
तालुका प्रतिनिधी / देसाईगंज : कृषी उत्पन्न बाजार समिती आरमोरी उपबाजार आवार देसाईगंज मार्केट यार्डात सण २०२२-२३ या सत्रात वर्षात नवीन खरीप हंगामाला सुरुवात झाल्याने मार्केट यार्डात सर्वात आधी ज्या शेतकऱ्याने आपला शेतमाल विक्रीकरिता आणला अशा शेतकऱ्यांचा २२ ऑक्टोम्बर २०२२ रोज शनिवारला शाल, श्रीफळ व पुष्पगुच्छ देऊन बाजार समितीच्या वतीने सत्कार करण्यात आला. याप्रसंगी कृषी उत्पन्न बाजार समितीचे सभावती नाकाडे, उपसभापती पासेवर, संचालक नागदेवे, समितीचे सचिव निमजे, राईस मिलर्स प्रभाकरजी डांगे, समितीचे धान्य अडतीये व धान्य व्यापारी बहु संख्येनी उपस्थित होते. समितीचे सभापती नाकाडे यांचे हस्ते शेतकरी यादवराव बाबुराव बगमारे उसेगाव याना शाल, श्रीफळ व पुष्पगुच्छ देऊन सत्कार करण्यात आला, तर समितीचे उपसभापती पासेवार यांचे हस्ते गिरीधर शिवराम मीसार उसेगाव व समितीचे संचालक नागदेवे यांचे हस्ते बालाजी रामकृष्ण उरकुडे उसेगाव यांचे  शाल, श्रीफळ व पुष्पगुच्छ देऊन सत्कार करण्यात आला. या कार्यक्रमाचे प्रास्ताविक कृषी उत्पन्न बाजार समिती आरमोरी चे सचिव निमजे यांनी केले. त्यांनी प्रस्ताविकातून अडत्याव्यापारीच्या समस्या व शेतकऱ्यांच्या हिताकरिता समिती काय योजना राबवित आहे. या विषयावर मार्गदर्शन केले. शेतकऱ्यांनी आपला शेतमाल बाजार समितीचे मार्केट यार्डातच विकावा. शेतमाल मार्केट यार्डात विकल्यामुळे शेतकऱ्याच्या शेतमालाचा काटा हा इलेक्ट्रानिक काटयाद्वारे अचूक केल्या जाते. बोली पद्धत असल्याने शेतकऱ्यांच्या शेमालाला योग्य भाव मिळतो. शेतकऱ्यांना नगदी चुकारा मिळण्याची हमी व शेतकऱ्यांना शेतमालावर फक्त ६ टक्के व्याज दराने तारण दिल्या जाते अशाप्रकारे तारण योजनेची महत्वाची माहिती सांगितली. कार्यक्रमाचे सूत्रसंचालन व आभार देसाईगंज शाखेचे शाखाप्रमुख पुरुषोत्तम दुफारे यांनी केले.





  Print






News - Gadchiroli




Related Photos