सिंदेवाही कृषी उत्पन बाजार समिती निवडणूकसाठी मोर्चेबांधणी जोमात
विदर्भ न्यूज एक्सप्रेस
प्रतिनिधी / सिंदेवाही : कृषी उत्पन बाजार समितीची निवडणूक जाहीर झाली असून आणि त्यात सहकार क्षेत्रातील नेत्यांनी ती प्रतिष्ठेची केल्याने आता चुरस निर्माण झाल्याचे दिसून येत आहे.
सिंदेवाही येथील बाजार समितीमध्ये उमेदवारी अर्जाच्या छाननीनंतर ५८ अर्जामधून २ अर्ज अवैध ठरल्याने ५६ उमेदवारी अर्ज आहेत. २० एप्रिल ही उमेदवारी अर्ज माघारी घेण्याची अंतिम मुदत आहे. त्यानंतरच या निवडणुकीचे खरे चित्र स्पष्ट होणार आहे. यावेळी शेतकऱ्यांना प्रथमच बाजार समितीत प्रतिनिधित्व करण्याची संधी मिळाल्याने उत्सुकता वाढली आहे.
सन १९६२ मध्ये स्थापन झालेल्या कृषी उत्पन्न बाजार समितीचे अन्य पक्षांनी नेतृत्व केले असले, तरी बहुतांश वेळा काँग्रेस गटाची सत्ता राहिली आहे. यावेळेससुद्धा काँग्रेस व भाजपाच्या गटातच लढाई होण्याची शक्यता आहे. सोसायटी मतदार संघातून ११, ग्रामपंचायत ४, व्यापारी २, तर हमाल गटातून १, याप्रमाणे १८ संचालकांसाठी निवडणूक होत आहे. या अटीतटीच्या लढाईत कोण बाजी मारणार हे २८ एप्रिल निकालानंतर स्पष्ट होईल.
News - Chandrapur