महत्वाच्या बातम्या

विदर्भात तापमान सर्वाधिक ब्रह्मपुरीचे : चंद्रपूर ४२.८ अंश सेल्सिअस

विदर्भ न्यूज एक्सप्रेस

प्रतिनिधी / चंद्रपूर : तापमानाने सलग सातव्या दिवशीसुद्धा चंद्रपुरात उच्चांक गाठला आहे. बुधवारी ब्रह्मपुरीचे तापमान ४३.८ अंश सेल्सिअस नोंदवण्यात आले असून चंद्रपूरचे ४२.८ अंश सेल्सिअस तापमान होते.

या उन्हाळ्यामध्ये जिल्ह्यातील नागरिकांना उन्हाच्या झळा सोसवेनाशा झाल्या आहेत.

एप्रिल महिन्याच्या सुरुवातीपासून चंद्रपुरातील तापमानात वाढ होऊ लागली आहे. मागील काही दिवसांपासून तापमानात सातत्याने वाढ होत आहे. ११ एप्रिलपासून तापमानात वाढ होण्यास सुरुवात झाली. सतत तापमान उच्चांक गाठत आहे. १२ एप्रिल ४२.२, १३ एप्रिल ४३.२, १४ एप्रिलला ४२.८ अंशावर पारा होता. १५ एप्रिलला ३९.४ वर आला. तर, १७ एप्रिलला तापमानाने उच्चांक गाठत ४३.२ अंश सेल्सिअसपर्यंत मजल मारली. तर बुधवारी ब्रह्मपुरीचे तापमान विदर्भात सर्वाधिक ४३.८ अंश सेल्सिएस नोंदविले गेले.

चंद्रपूरचे सोमवारचे तापमान राज्यात सर्वाधिक ठरले होते.