लोकसहभागातून निराधाराला बांधून दिले घर
विदर्भ न्यूज एक्सप्रेस
प्रतिनिधी / बल्लारपूर : अत्यंत जीर्ण झालेल्या झोपडीत एकाकी जीवन जगत असलेल्या वृद्ध च्या मदतीला लोक धावून आले. आणि लोकसहभागातून एक लाख रुपये जमा करून त्या वृद्धाला मजबूत घर बांधून दिले. मारोती परचाके असे वृद्धाचे नाव असून ते मौलाना आझाद वार्ड येथील रहिवाशी आहेत.
मारोती परचाके यांना अपत्य नसून पत्नीचे ही निधन झाले आहे. अश्या स्थितीत झोपडीत ते एकाकी राहत होते. झोपडी कधीही कोसळेल याचा नेम नव्हता. अशा परिस्थितीत येथील सामाजिक कार्यकर्ते बंडू लोनगाडगे यांनी लोकसहभागातून एक लाख रुपये जमा केले. व त्या निधीतून सर्वांचा सहकार्याने मारोती परचाके यांना घर बांधून दिले.
संत गाडगेबाबा महाराज यांच्या जयंती निमित्त सर्वसमक्ष गृहप्रवेश केले. घराच्या दारावर छत्रपती शिवाजी महाराज, महात्मा फुले, डॉ. बाबासाहेब आंबेडकर, सावित्री बाई फुले, जिजाऊ, शाहू महाराज यांच्या प्रतिमाना अभिवादन करीत गृह प्रवेश केले. समुदायिक ध्यान, ग्राम गीता चे वाचन, सुधाकर डंबारे यांचे भजन तसेच पुरुषोत्तम महाराज यांच्या कीर्तन चे आयोजन करण्यात आले होते. याप्रसंगी पांडुरंग जरीले, विनायक साळवे, अशोक पटेल, दुबे, सतिश ढोके, माजी नगरसेविका सौ. जयश्री मोहूर्ले, गणेश राखुंडे, बद्दलवर, दिनेश परचाके, पंडित देऊळकर, तुळशीराम उईके इत्यादींची उपस्थित होती.
News - Chandrapur