महत्वाच्या बातम्या

 नाविन्यपुर्ण कल्पना व उद्योजकांच्या सादरीकरण स्पर्धेमध्ये जिल्हास्तरावर तीन विजेत्यांची घोषणा


विदर्भ न्यूज एक्सप्रेस 
प्रतिनिधी / गडचिरोली : जिल्हयातील  नागरीकांच्या नवसंकल्पनांना मूर्त स्वरूप देण्यासाठी तसेच राज्यातील उद्योजकता व नाविन्यपुर्ण  परिसंस्था बळकट करण्यासाठी विभागामार्फत महाराष्ट्र स्टार्टअप यात्रेचे आयोजन करण्यांत येत आहे. आपल्या नेतृत्वाखाली प्रचार  व प्रबोधनाचा पहिला टप्पा यशस्वीरित्या पार पाडला असून यात्रेचा  दूस-या टप्पा १३ ऑक्टोंबर २०२२ रोजी नव संशोधन केंद्र, गोंडवाना विद्यापीठ, गडचिरोली येथे सकाळी ९.३० वा. एकदिवसीय सादरीकरण सत्र व जिल्हास्तरीय प्रशिक्षण शिबिर स्पर्धेचे आयोजन करण्यांत आले. स्टार्टअप यात्रेच्या जिल्हास्तरीय प्रशिक्षण शिबिर व सादरीकरण सत्राचे मुख्य टप्प्यामध्ये प्रास्ताविक व विभागाच्या विविध उपक्रमाची माहिती, स्थानिक उद्योजकाची व्याख्याने, स्टार्टअप व नवउद्योजकता कार्यशाळेचे विषय, सादरीकरण सत्र व मुल्यमांकन इत्यादीची माहिती देण्यांत आली. जिल्हयातील एकुण ३५ ऑनलाईन अर्जदारापैकी एकुण २६ नवउद्योजक, विद्यार्थी व नाविन्यता परिसंस्था अर्जदारांनी नव संशोधन केंद्र, गोंडवाना विद्यापीठ, गडचिरोली येथे सहभाग नोंदविला.
सदर प्रशिक्षण शिबिर स्पर्धेचे प्रथम व व्दितीय असे दोन सत्र करण्यांत आले होते. सकाळी ९.३० ते सकाळी ११.३० वाजेपर्यंत विभागाच्या विविध उपक्रमाची माहिती ,स्टार्टअपचा प्रवास तसेच स्थानिक उद्योजकाची व्याख्याने आयोजित करण्यांत आले. तर दूस-या सत्रासाठी दूपारी १२.४५ वाजता नवउद्योजकांना सादरीकरणाला संधी देण्यांत आली व प्रत्येक सहभागीस १० मिनीटे सादरीकरणासाठी संधी मिळाली यामध्ये ५  मिनीट सादरीकरण व ५ मिनीट प्रश्नोत्तरासाठी ठेवण्यांत आले होते. जिल्हास्तरावर उत्कृष्ट सादरीकरणामध्ये प्रथम क्रमांकाचे पारितोषिक २५ हजारासाठी गौनवनोउपज मायनर फुड प्रॉडक्ट या नव संकल्पनेसाठी आदिवासी लक्ष्मी स्वयंसहायता समुह,  मु.जीवन गटठा, ता.एटापल्ली जि.गडचिरोली यांना मिळाला तसेच व्दितीय क्रमांकाचे पारितोषिक १५ हजारासाठी नव कौशल्य नव संकल्पनेसाठी अंकुश गांगरेडडीवार, गडचिरोली यांना मिळाला तर तृतीय क्रमांकाचे पारितोषिक १० हजारासाठी Electronic auto switching for Bluetooth Mobile या नव संकल्पनेसाठी जयंत राऊत, मु.पो.पारडा जि.गडचिरोली यांना मिळाला. या सर्व विजेत्यांची निवड करण्यांत आली असे माहिती जिल्हा कौशल्य विकास, रोजगार व उद्योजकता मार्गदर्शन केंद्र, गडचिरोली यांनी दिली आहे.





  Print






News - Gadchiroli




Related Photos