पावसामुळे आलापल्ली - सिरोंचा मार्ग नंदीगावजवळ उखडला, वाहतूक विस्कळीत


- पोलिस जवानांनी दगड टाकून रस्ता केला सुरळीत
विदर्भ न्यूज एक्सप्रेस
प्रतिनिधी / गडचिरोली :
मागील तीन दिवसांपासून सुरू असलेल्या पावसामुळे आलापल्ली - सिरोंचा मार्गाची अत्यंत दुरवस्था झाली आहे. नंदीगावजवळील नाल्यावरून वाहणाऱ्या पाण्यामुळे काही अंतरापर्यंत रस्तासुध्दा वाहून गेला. यामुळे वाहने खोळंबून पडली होती. पोलिस जवानांनी वाहून गेलेल्या रस्त्याच्या ठिकाणी दगड टाकून रस्ता सुरळीत करण्यास मदत केल्यामुळे वाहतूक सुरळीत झाली आहे.
आलापल्ली - सिरोंचा मार्गावर नेहमीच वर्दळ असते. मात्र हा रस्ता ठिकठिकाणी उखडला असल्यामुळे वाहनधारकांना प्रचंड त्रास सहन करावा लागतो. रात्री आलेल्या मुसळधार पावसामुळे नाल्याला पूर आला. या पुरामुळे डांबरी रस्ता वाहून गेला. तसेच झाडे सुद्धा कोसळली होती. यामुळे आज १६ ऑगस्ट रोजी सकाळी दोन्ही बाजूस वाहनांच्या रांगा लागल्या होत्या. यामुळे रस्ता वाहून गेलेल्या जागी दगड टाकून रस्ता सुरळीत करण्यात आला. यामुळे काही प्रमाणात वाहतूक सुरळीत झाली आहे. 

 



  Print






News - Gadchiroli | Posted : 2018-08-16






Related Photos