Petrol Price
आत्मसमर्पित माओवादी सदस्यांच्या सर्वंकष पुनर्वसनाकरीता भुखंडाचे वाटप व विविध साहित्यांचे वितरण
- मान्यवरांच्या हस्ते १४ आत्मसमर्पित माओवादी सदस्यांना भुखंडाचे वाटप
- आत्मसमर्पित माओवादी सदस्यांना पुनर्वसन निधी धनादेशाचे वितरण
- कार्यक्रम प्रसंगी मान्यवरांच्या हस्ते आत्मसमर्पित माओवादी सदस्यांच्या मुलांना सायकल व शैक्षणीक साहित्यांचे वितरण
- आत्मसमर्पित माओवादी प्रशिक्षणाथ्र्यांना चारचाकी वाहन परवानाचे करण्यात आले मान्यवरांच्या हस्ते वितरण
विदर्भ न्यूज एक्सप्रेस
प्रतिनिधी /गडचिरोली : गडचिरोली जिल्ह्रातील माओवाद आता जवळजवळ संपुष्टात आला असून, जिल्ह्रातील नागरिक आता माओवादाच्या भीतीपासून मुक्त होत आहेत. यासोबतच शासनाने सन २००५ पासून जाहिर केलेल्या आत्मसमर्पण योजनेमूळे तसेच हिंसाचाराच्या जीवनाला कंटाळून वरिष्ठ माओवाद्यांसह अनेक जहाल माओवाद्यांनी आजपर्यंत पोलीसांसमोर आत्मसमर्पण केलेले आहे. याच आत्मसमर्पित माओवादी सदस्यांच्या पुनर्वसन व मुख्य प्रवाहात समावेशाच्या उद्देशाने करण्यात येणाया प्रयत्नांअंतर्गत आज ०१ सप्टेंबर २०२६ रोजीे गडचिरोली पोलीस दलाच्या प्रोजेक्ट संजिवनी अंतर्गत १४ आत्मसमर्पित माओवादी संदस्यांना भुखंड वितरण करण्यात आले. तसेच इतर आत्मसमर्पित माओवादी सदस्यांना पुनर्वसन निधी धनादेशासोबत विविध साहित्यांचे वाटप कार्यक्रमाचे आयोजन करण्यात आले होते.
सविस्तर वृत्त असे की, गडचिरोली पोलीस दलाने आत्मसमर्पित माओवाद्यांचे सर्वंकष पुनर्वसन घडवून आणल्यामुळे आजपर्यंत एकूण ८१९ माओवाद्यांनी गडचिरोली पोलीस दलासमोर आत्मसमर्पण केले आहे. महाराष्ट्र शासनाच्या आत्मसमर्पण योजनेअंतर्गत आत्मसमर्पित माओवादी सदस्यांना मुख्य प्रवाहात सामावून घेण्यासाठी त्यांना भुखंड, घरकुल, रोजगार, आरोग्य या विविध आयामांच्या अनुषंगाने मदत केली जात असते. याच प्रयत्नाअंतर्गत जिल्हा प्रशासन व गडचिरोली पोलीस दलाच्या समन्वयातून आत्मसमर्पित माओवादी सदस्यांसाठी आत्तापर्यंत एकूण १७४ भुखंड मंजूर झाले असून त्यापैकी १५३ भुखंडांचे वाटप याआधी करण्यात आले होते.
आज रोजी आयोजित कार्यक्रमादरम्यान एकूण १४ आत्मसमर्पित माओवादी सदस्यांना मान्यवरांच्या उपस्थितीत भुखंडाचे वितरण करण्यात आले. यासर्व १४ आत्मसमर्पित माओवादी सदस्यांना मान्यवरांच्या हस्ते प्रमाणपत्र प्रदान करण्यात येऊन त्यांना पुढील आयुष्यासाठी शुभेच्छा देण्यात आल्या. यासोबतच आत्मसमर्पित माओवादी सदस्यांना पुनर्वसनाकरीता केंद्र व राज्य शासनाकडून मिळणाया निधी धनादेशाचे वितरण करण्यात आले. तसेच आत्मसमर्पित माओवादी सदस्यांच्या मुलांना सायकल व शैक्षणीक साहित्याचे वाटप करण्यात आले. यासोबतच माओवादी सदस्यांना वाहन चालक परवानाचे वितरण करण्यात आले.
यावेळी मा. जिल्हाधिकारी, गडचिरोली अविश्यांत पंडा यांनी आत्मसमर्पित माओवादी सदस्यांना शासनाच्या विविध पुनर्वसन योजनांचा लाभ घेण्याचे आवाहन केले. समाजाच्या मूख्य प्रवाहात सहभागी होत स्वावलंबी जीवन जगण्यासाठी आवश्यक ते सर्व सहकार्य राज्य शासनाकडून करण्यात येईल तसेच आत्मसमर्पितांच्या सर्वांगिण विकासासाठी शासन कटीबद्ध राहील असे सांगितले. यासोबतच गडचिरोली पोलीस दलाच्या वतीने विविध पुनर्वसन उपक्रमांच्या माध्यमातून आत्मसमर्पित सदस्यांना रोजगार, शिक्षण, आरोग्य, कृषी व स्वयंरोजगाराशी संबंधित सुविधा उपलब्ध करून दिल्या जात आहेत. या उपक्रमांचा जास्तीत जास्त लाभ घेऊन समाजात सन्मानाने जीवन जगावे, असे आवाहन केले. यासोबतच मा. पोलीस अधीक्षक गडचिरोली श्री. एम. रमेश यांनी हिंसाचाराचा मार्ग सोडून शांतता, विकास व प्रगतीचा मार्ग स्वीकारणाया आत्मसमर्पित माओवादी सदस्यांचे कौतुक करुन त्यांना उज्ज्वल भविष्यासाठी शुभेच्छा दिल्या आहेत.
सदर कार्यक्रमाप्रसंगी जिल्हाधिकारी, गडचिरोली अविश्यांत पंडा, पोलीस अधीक्षक, गडचिरोली श्री. एम. रमेश, अपर पोलीस अधीक्षक (प्रशासन) गोकुल राज जी., सहाय्यक जिल्हाधिकारी अरुण एम., सहाय्यक जिल्हाधिकारी अजय डोके, पोलीस उप-अधीक्षक (अभियान) सुनिल ऊईके हे उपस्थित होते. सदर कार्यक्रमाच्या यशस्वीतेसाठी आत्मसमर्पण शाखेचे प्रभारी अधिकारी पोउपनि. नरेंद्र पिवाल, मपोउपनि. प्रतिक्षा राठोड व पोलीस अंमलदार यांनी अथक परिश्रम घेतले.
