नागपूरमध्ये क्रेनच्या धडकेत तीन महाविद्यालयीन तरुणींचा मृत्यू


विदर्भ न्यूज एक्सप्रेस 
प्रतिनिधी / नागपूर :
शहरातील  अंबाझरी तलाव परिसरात क्रेनच्या धडकेत दुचाकीवरील तीन महाविद्यालयीन तरुणींचा मृत्यू झाला. सदर घटना आज सकाळी साडेनऊच्या सुमारास  घडली. श्रुती बनवारी, स्नेहा अंबाडकर आणि रूचिका बोरीकर अशी या तरुणींची नावे आहेत. 
श्रुती, स्नेहा आणि रुचिका या तिघीही रायसोनी महाविद्यालयात शिकत होत्या. त्या आज सकाळी दुचाकीवरून महाविद्यालयात जात होत्या. अंबाझरी तलाव परिसरात सकाळी साडेनऊच्या सुमारास त्यांच्या दुचाकीला मागे येणाऱ्या क्रेनने जोरदार धडक दिली. दुचाकी घसरून या तिघीही क्रेनखाली सापडल्या. त्यातील दोघींचा जागीच मृत्यू झाला. तर एका तरुणीचा रुग्णालयात मृत्यू झाला. या अपघाताची माहिती पोलिसांना मिळताच ते घटनास्थळी आले. क्रेन ताब्यात घेऊन  घटनेची चौकशी सुरू केली आहे. 



  Print






News - Nagpur | Posted : 2018-08-14






Related Photos