Petrol Price
घाटंजी पोलीस ठाण्यात शांतता समितीची सभा
विदर्भ न्युज एक्सप्रेस
तालुका प्रतिनिधी /घाटंजी : घाटंजी पोलीस स्टेशनच्या प्रांगणात ०१ सप्टेंबर रोजी गणेश मंडळांची शांतता बैठक उत्साहात पार पडली. गणेशोत्सवाच्या पार्श्वभूमीवर कायदा व सुव्यवस्था अबाधित राखण्यासह शांततामय वातावरणात उत्सव साजरा करण्याबाबत पोलीस प्रशासनाकडून मंडळांना मार्गदर्शन सुचना करण्यात आल्या. यात डीजेच्या कर्कश आवाजाला ब्रेक लावा व पारंपारिक वाद्य लावून मैदानी साहसिक कृतीचे खेळ व समाजात सलोखा राहील असे संदेश देत उत्साहात पण सामाजात तेढ निर्माण होणार नाही यांची मंडळांनी खबरदारी घ्या. गणेशोत्सव साजरा करा पण, त्याला कुठलेही गालबोट लागता कामा नये, असे आवाहन घाटंजी पोलिस स्टेशनचे ठाणेदार तथा पोलीस निरिक्षक केशव ठाकरे यांनी केले.
सोबतच मागिल वर्षी जिल्हास्तरीय बक्षीसपात्र मंडळ यात सार्वजनिक गणेशउत्सव मंडळ व नेहरु नगर येथील बाल गणेश उत्सव मंडळ व ग्रामिण भागातील एक मंडळ यांनी उत्सव काळात उत्तम समाजसेवी संदेश देत उत्साहात गणेश उत्सव साजरा करुन जिल्हास्तराव बक्षीस पात्र ठरल्याबद्दल या शांतता बैठकीत त्यान्चा सन्मान करत प्रशस्तिपत्र देऊन गौरविण्यात आले. आगामी गणेशोत्स व दूर्गा उत्सव लक्षात घेता येणारी गणेश उत्सव ही सामाजिक एकोपा व धार्मिक श्रद्धेचा उत्सव असल्याने तो शांततेत आणि उत्साहपूर्ण वातावरणात साजरा करण्याचे आवाहन यावेळी ठाणेदार केशव ठाकरे यांनी केले.
गणेश उत्सव मिरवणुकी दरम्यान वाहतुकीला अडथळा निर्माण होणार नाही, याची काळजी घेण्यासह मंडळांनी स्वयंशिस्त पाळावी, सामाजिक सलोखा कायम ठेवावा आणि कोणत्याही प्रकारच्या अनुचित प्रकाराला थारा देऊ नये, असेही पोलिस प्रशासनाकडून स्पष्ट करण्यात आले. यावेळी पोलिस प्रशासन आणि गणेश मंडळांच्या पदाधिकाऱ्यांमध्ये विविध विषयांवर चर्चा झाली. आगामी गणेशोत्सव शांतता, शिस्त, सामाजिक सलोखा आणि भक्तिमय वातावरणात पार पाडण्यासाठी पोलीस प्रशासनाला सहकार्य करण्याचे आश्वासन सर्व उपस्थित मंडळ व पदाधिकारी यांनी दीले. उपस्थितांना मार्गदर्शन करतान्ना पोलीस स्टेशन घाटंजीचे सहाय्यक पोलीस निरिक्षक सचिन राठोड, गोपनीय शाखेचे अमोल कोवे, ठाणेदार यांचे रायटर दिनेश जाधव सह पोलीस उप निरिक्षक व इतर पोलीस शिपाई आदी उपस्थित होते.
