Petrol Price
भरधाव वाहनाच्या धडकेत दुचाकीस्वार युवकाचा मृत्यू : आरमोरी-ब्रह्मपुरी मार्गावर घटना
विदर्भ न्यूज एक्सप्रेस
तालुका प्रतिनिधी / आरमोरी (गडचिरोली) : आरमोरी ते ब्रह्मपुरी मार्गावरील जगन्नाथ बाय सेंटरजवळ सोमवारी रात्री एका भरधाव वाहनाने दुचाकीस्वार युवकाला जोरदार धडक दिली. या भीषण अपघातात दुचाकीस्वार गंभीर जखमी होऊन जागीच ठार झाल्याची दुर्घटना घडली. १० नोव्हेंबर २०२६ रोजी रात्री ११ ते ११:०५ वाजताच्या दरम्यान ही घटना घडली. मृतक तरुण भगवान आनंददास गुरुले (वय ३०, रा. असोडा, ता. आरमोरी) असे त्याचे नाव असून, याप्रकरणी आरमोरी पोलिसांनी वाहनचालकाविरुद्ध गुन्हा दाखल केला आहे.
पोलिसांकडून मिळालेल्या माहितीनुसार, मृतक भगवान गुरुले हे आपले हिरो पॅशन (क्र. MH-४०-AA-७९९३) या लाल रंगाच्या दुचाकी वाहनाने आरमोरी येथून असोडा येथील आपल्या घरी परत जात होते. दरम्यान, आरमोरी ते ब्रह्मपुरी रोडलगत असलेल्या जगन्नाथ बाय सेंटर जवळील वळणावर आले असता, समोरून सुझुकी कंपनीचे वाहन घेऊन येणारा चालक मोहम्मद फहीम अहमद गोडील (वय २१, रा. नेहरू चौक, आरमोरी) याने आपले वाहन अत्यंत हयगयीने, भरधाव वेगात व वाहतुकीच्या नियमांचे उल्लंघन करून चालवले. त्याने भगवान गुरुले यांच्या दुचाकीला जोरदार धडक दिली.
या अपघातात भगवान गुरुले यांना गंभीर दुखापत होऊन त्यांचा मृत्यू झाला. या प्रकरणी मृतकाचे बंधू साजन आनंददास गुरुले यांनी दिलेल्या फिर्यादीवरून आरमोरी पोलीस स्टेशनमध्ये आरोपी वाहनचालक मोहम्मद फहीम अहमद गोडील याच्याविरुद्ध भारतीय न्याय संहितेच्या (BNS) कलम २८१, १०६(१) तसेच मोटार वाहन कायद्याचे कलम १८४ अन्वये गुन्हा दाखल करण्यात आला आहे. मृतकाच्या अंत्यविधी व इतर कार्यवाहीमुळे फिर्याद देण्यास विलंब झाल्याचे पोलिसांनी नमूद केले असून, या प्रकरणाचा पुढील तपास मपोहवा भारती बावणे या करीत आहेत.
 : आरमोरी ते ब्रह्मपुरी मार्गावरील जगन्नाथ बाय सेंटरजवळ सोमवारी रात्री एका भरधाव वाहनाने दुचाकीस्वार युवकाला जोरदार धडक दिली. या भीषण अपघातात दुचाकीस्वार गंभीर जखमी होऊन जागीच ठार झाल्याची दुर्घटना घडली. १० नोव्हेंबर २०२६ रोजी रात्री ११ ते ११:०५ वाजताच्या दरम्यान ही घटना घडली. मृतक तरुण भगवान आनंददास गुरुले (वय ३०, रा. असोडा, ता. आरमोरी) असे त्याचे नाव असून, याप्रकरणी आरमोरी पोलिसांनी वाहनचालकाविरुद्ध गुन्हा दाखल केला आहे.पोलिसांकडून मिळालेल्या माहितीनुसार, मृतक भगवान गुरुले हे आपले हिरो पॅशन (क्र. MH-४०-AA-७९९३) या लाल रंगाच्या दुचाकी वाहनाने आरमोरी येथून असोडा येथील आपल्या घरी परत जात होते. दरम्यान, आरमोरी ते ब्रह्मपुरी रोडलगत असलेल्या जगन्नाथ बाय सेंटर जवळील वळणावर आले असता, समोरून सुझुकी कंपनीचे वाहन घेऊन येणारा चालक मोहम्मद फहीम अहमद गोडील (वय २१, रा. नेहरू चौक, आरमोरी) याने आपले वाहन अत्यंत हयगयीने, भरधाव वेगात व वाहतुकीच्या नियमांचे उल्लंघन करून चालवले. त्याने भगवान गुरुले यांच्या दुचाकीला जोरदार धडक दिली.या अपघातात भगवान गुरुले यांना गंभीर दुखापत होऊन त्यांचा मृत्यू झाला. या प्रकरणी मृतकाचे बंधू साजन आनंददास गुरुले यांनी दिलेल्या फिर्यादीवरून आरमोरी पोलीस स्टेशनमध्ये आरोपी वाहनचालक मोहम्मद फहीम अहमद गोडील याच्याविरुद्ध भारतीय न्याय संहितेच्या (BNS) कलम २८१, १०६(१) तसेच मोटार वाहन कायद्याचे कलम १८४ अन्वये गुन्हा दाखल करण्यात आला आहे. मृतकाच्या अंत्यविधी व इतर कार्यवाहीमुळे फिर्याद देण्यास विलंब झाल्याचे पोलिसांनी नमूद केले असून, या प्रकरणाचा पुढील तपास मपोहवा भारती बावणे या करीत आहेत.)
