Petrol Price
प्रेमसंबंधातून महिलेची हत्या : मृतदेह पुरल्याप्रकरणी शिक्षकाला २२ ऑक्टोबरपर्यंत पोलीस कोठडी
विदर्भ न्यूज एक्सप्रेस
प्रतिनिधी / चंद्रपूर : प्रेमसंबंधातून झालेल्या वादानंतर महिलेची गळा दाबून हत्या करून तिचा मृतदेह नागपूर जिल्ह्यातील हिंगणा परिसरात पुरल्याच्या प्रकरणात आरोपी शिक्षक संतोष साखरकर (४९, रा. तुकूम) याला चंद्रपूर जिल्हा न्यायालयाने २२ ऑक्टोबरपर्यंत पोलीस कोठडी सुनावली आहे. या घटनेमुळे परिसरात खळबळ उडाली असून, या हत्येमागील नेमके कारण आणि मृतदेहाची विल्हेवाट लावण्यासाठी अन्य कोणाची मदत घेण्यात आली होती का, याचा तपास पोलीस करीत आहेत.
मिळालेल्या माहितीनुसार, संतोष साखरकर आणि संबंधित महिलेचे मागील तीन ते चार वर्षांपासून प्रेमसंबंध होते. मात्र, क्षुल्लक कारणावरून झालेल्या वादातून आरोपीने महिलेचा गळा दाबून तिची हत्या केल्याचा आरोप आहे. हत्येनंतर पुरावा नष्ट करण्याच्या उद्देशाने आरोपीने नागपूर जिल्ह्यातील हिंगणा परिसरातील एका घरात खड्डा खोदून महिलेचा मृतदेह पुरल्याची माहिती समोर आली आहे.
आरोपी संतोष साखरकर हा जानाळा येथील एका शाळेत शिक्षक म्हणून कार्यरत असल्याचे सांगण्यात येते. या प्रकरणाचा तपास करताना शहर पोलिसांनी त्याला ताब्यात घेतले. त्यानंतर न्यायालयात हजर केले असता, न्यायालयाने २२ ऑक्टोबरपर्यंत पोलीस कोठडी मंजूर केली. महिलेची हत्या केल्यानंतर मृतदेह पुरण्याची संपूर्ण प्रक्रिया आरोपीने एकट्यानेच केली का, याबाबत पोलिसांना संशय आहे.
या गुन्ह्यात अन्य कोणाचा सहभाग आहे का, तसेच मृतदेह पुरण्यासाठी कोणाची मदत घेण्यात आली होती का, याचाही तपास केला जात आहे. आरोपीच्या पोलीस कोठडीदरम्यान या प्रकरणातील महत्त्वाचे धागेदोरे हाती लागण्याची शक्यता आहे.
दरम्यान, आरोपीने यापूर्वीही महिलांची फसवणूक केल्याच्या चर्चा असल्याचे सांगितले जात आहे. मात्र, या संदर्भातील अधिकृत माहिती अद्याप समोर आलेली नाही. त्यामुळे पोलिसांच्या पुढील तपासातून या हत्येचे नेमके कारण आणि संपूर्ण घटनाक्रम स्पष्ट होणार आहे.
 याला चंद्रपूर जिल्हा न्यायालयाने २२ ऑक्टोबरपर्यंत पोलीस कोठडी सुनावली आहे. या घटनेमुळे परिसरात खळबळ उडाली असून, या हत्येमागील नेमके कारण आणि मृतदेहाची विल्हेवाट लावण्यासाठी अन्य कोणाची मदत घेण्यात आली होती का, याचा तपास पोलीस करीत आहेत.मिळालेल्या माहितीनुसार, संतोष साखरकर आणि संबंधित महिलेचे मागील तीन ते चार वर्षांपासून प्रेमसंबंध होते. मात्र, क्षुल्लक कारणावरून झालेल्या वादातून आरोपीने महिलेचा गळा दाबून तिची हत्या केल्याचा आरोप आहे. हत्येनंतर पुरावा नष्ट करण्याच्या उद्देशाने आरोपीने नागपूर जिल्ह्यातील हिंगणा परिसरातील एका घरात खड्डा खोदून महिलेचा मृतदेह पुरल्याची माहिती समोर आली आहे.आरोपी संतोष साखरकर हा जानाळा येथील एका शाळेत शिक्षक म्हणून कार्यरत असल्याचे सांगण्यात येते. या प्रकरणाचा तपास करताना शहर पोलिसांनी त्याला ताब्यात घेतले. त्यानंतर न्यायालयात हजर केले असता, न्यायालयाने २२ ऑक्टोबरपर्यंत पोलीस कोठडी मंजूर केली. महिलेची हत्या केल्यानंतर मृतदेह पुरण्याची संपूर्ण प्रक्रिया आरोपीने एकट्यानेच केली का, याबाबत पोलिसांना संशय आहे.या गुन्ह्यात अन्य कोणाचा सहभाग आहे का, तसेच मृतदेह पुरण्यासाठी कोणाची मदत घेण्यात आली होती का, याचाही तपास केला जात आहे. आरोपीच्या पोलीस कोठडीदरम्यान या प्रकरणातील महत्त्वाचे धागेदोरे हाती लागण्याची शक्यता आहे.दरम्यान, आरोपीने यापूर्वीही महिलांची फसवणूक केल्याच्या चर्चा असल्याचे सांगितले जात आहे. मात्र, या संदर्भातील अधिकृत माहिती अद्याप समोर आलेली नाही. त्यामुळे पोलिसांच्या पुढील तपासातून या हत्येचे नेमके कारण आणि संपूर्ण घटनाक्रम स्पष्ट होणार आहे.)
