वर्धा शहरात एकाच रात्री चार दुकाने फोडली : रोकड लंपास


विदर्भ न्यूज एक्सप्रेस
जिल्हा प्रतिनिधी / वर्धा :
शहरात मागील काही दिवसांपासून भुरट्या चोरट्यांनी हैदोस घातला असून पोलिस विभागाकडून चोरट्यांना पकडण्यात अपयशच मिळत आहे. मात्र, सर्वसामान्य नागरिकांना याचा नाहक फटका बसत असून सर्वसामान्यांचे मोठे नुकसान होत आहे. शहरात काल २५ रोजी रात्रीच्या सुमारास  चार दुकाने फोडली असून तब्बल एक लाख रुपयांचा मुद्देमाल चोरून नेला. या घटनेने शहरात चांगलीच दशहत पसरली असून नागरिक चोरट्यांच्या दहशतीत आहे.
शहरात मागील काही दिवसांपासून चोरट्यांनी चांगलीच दहशत माजवली आहे. कुठे ना कुठे चोरी झाल्याचे वृत्त दररोज झळकत असताना पोलिस विभाग मात्र, सुस्तावलेला दिसून येत आहे. काल २५ रोजी रात्रीच्या सुमारास बढे चौक व मालगुजारीपूरा तसेच देवळी नाका परिसरातील दुकाने चोरट्यांनी फोडली असून यामध्ये दोन मेडीकल दुकान, एक मोबाईल आणि एक गॅस एजन्सीचा समावेश आहे. या घटनेने शहरातील व्यावसायीकांमध्ये भितीचे वातावरण निर्माण झाले असून पोलिस विभागाने याकडे लक्ष देण्याची मागणी नागरिकांतून होत आहे. 
 सविस्तर वृत्त असे की, मालगुजारीपुरा परिसरात असलेले विवेक ढगे यांचे श्री साई मेडिकलचे लोखंडी शटर तोडून मेडीकलमधून सुमारे ४७ हजार रुपयांची
रोख रक्कम चोरट्यांनी चोरली. तसेच बाजूलाच असलेल्या बाबुजी मोबाईल दुकान फोडून चोरट्यांनी दुकानात प्रवेश करत दुकानाच्या गल्ल्यातून सुमारे ४५
हजार रुपये चोरून नेले. तर त्याच परिसरातअसलेल्या राजेश धांदे यांच्या मालकीच्या शांती मेडीकलचे शटर तोडून आत प्रवेश करत ४० हजार रुपयांचा मुद्देमाल चोरट्यांनी चोरून नेला. विशेष म्हणजे या तिन्ही चोरया एकाच परिसरात झाल्या असून पोलिसांच्या गस्तीवर प्रश्नचिन्ह उपस्थित करण्यात येत आहे. तसेच देवळी नाका परिसरात असलेल्या एचपी गॅस एजन्सीही फोडण्याचा प्रयत्न चोरट्यांनी केला असून आरडाओरडा झाल्याने तेथील चोरीचा प्रयत्न
फसला. एकाच रात्री शहरात तिन ठिकाणी झालेल्या चोऱ्यांनी व्यावसायीकांमध्ये भीतीचे वातावरण निर्माण झाले आहे.
 

सीसीटीव्हीत चोरटे कैद

मालगुजारीपुरा परिसरात असलेल्या सीसीटीव्ही कामेरामध्ये चोरटे कैद झाले असून तीन चोरटे बोलेरो गाडीने येत दुकानांचे शटर तोडताना दिसून आले
आहे. त्यामुळे पोलिसांना चोरट्यांना जेरबंद करण्यास मदत होणार आहे.


लवकरच चोरट्यांना  ठोकणार बेड्या : ठाणेदार मदने

यासंदर्भात शहर पोलिस ठाण्याचे ठाणेदार चंद्रकांत मदने यांच्याशी संपर्क केला असता ते म्हणाले की, चोरट्यांना पकडण्याकरीता पथके नेमण्यात आली
असून चोरट्यांचा शोध घेण्याकरीता ते रवाना झाले आहे. सीसीटीव्ही कॅमेऱ्यात चोरटे कैद झाले असून चोरट्यांची ओळख पटवून तत्काळ त्यांना अटक
करण्यात येणार असल्याचे मदने यांनी सांगितले.



  Print






News - Wardha | Posted : 2018-12-25






Related Photos