चोप येथे भिंत कोसळून महिलेचा मत्यू


विदर्भ न्यूज एक्सप्रेस 
 गौरव नागपूरकर 
/ देसाईगंज : तालुक्यातील कोरेगाव चोप येथे भिंत कोसळून महिलेचा मृत्यू झाल्याची घटना आज  ३० सप्टेंबर रोजी सकाळी घडली आहे.  अनुबाई भजणसिंग बर्वे (५०) असे मृतक महिलेचे नाव आहे . 
काल २९ सप्टेंबर रोजी सायंकाळी  मुसळधार पावसाने चोप परिसरात थैमान घातले. यामुळे बर्वे यांच्या घराची  भिंत कोसळली असल्याची माहिती प्राप्त झाली आहे.  आज सकाळी अनुबाई बर्वे  भांडी धुत  असताना अचानक तिच्या वर मातीच्या  घराची भिंत कोसळली.  त्यात ती पूर्ण दबली गेली .  घराजवळील नागरिकांनी तिला बाहेर काढून कोरेगाव येथील ग्रामीण रुग्णालयात भरती केले.  प्राथमिक उपचार करून वडसा येथील  रुग्णालयात नेत असताना वाटेतच तिची  प्राणज्योत मालवली.  याबाबत वडसा पोलिस ठाण्यात अकस्मात मृत्यूची नोंद करण्यात आली. तलाठ्यांनी  भेट देऊन पंचनामा केला . अनुबाई यांच्या मागे  अपंग पती व एक विवाहित मुलगी आहे . अनुबाई च्या मृत्यू ने कुटुंबावर मोठे संकट कोसळले आहे.  पती अपंग असल्यामुळे कमावती केवळ अनुबाई च होती. आता तिच्या निधनामुळे कुटुंबाची वाताहात झाली आहे. 

प्रशासनाकडून तातडीची मदत नाही 

घराची भिंत अतिवृष्टीमुळे कोसळली . यामुळे अनुबाई हाच मृत्यू झाला. मात्र प्रशासनाने कोणतीही तातडीची मदत केलेली नाही. तहसीलदारांशी संपर्क साधला असता अशाप्रकारची मदत देण्यासाठी निधीच नसल्याची माहिती प्रतिनिधीला दिली आहे. यामुळे प्रशासन नेमकी मदत कोणत्या वेळी देते असा प्रश्न नागरिकांनी उपस्थित केला आहे. 



  Print






News - Gadchiroli | Posted : 2019-09-30






Related Photos