महत्वाच्या बातम्या

  समाजाच्या उन्नतीकरिता सर्वांनी एकत्र येणे गरजेचे


- जिल्हा परिषद माजी अध्यक्ष अजय कंकडालवार यांच्या प्रतिपादन

- वीर बाबूराव शेडमाके यांच्या पूतडाच्या अनावरण व बिरसा मुंडा जयंती साजरी

विदर्भ न्यूज एक्सप्रेस 
तालुका प्रतिनिधी / अहेरी : अहेरी तालुक्यातील जिम्मलगटा  येते आदिवासी गोटुल समिती कडून बिरसा मूंडा जयंती व वीर बाबूराव शेडमाके यांच्या पूतडाच्या अनावरण कार्यक्रम निमित्ताने आदिवासीचे आराध्य देवी देवताचे पूजा अर्चना करण्यात आली. सर्वप्रथम आदिवासी क्रांतीकारी वीर बाबूराव शेडमाके, बिरसा मूंडा, यांच्या प्रतिमेला पुष्पहार घालून गोंगो पूजा करण्यात आली. वीर बाबूराव शेडमाके व बिरसा मुंडा यांच्या पालखी घेवून भव्य दिव्य रैली काढण्यात आली व मार्गदर्शन कार्यक्रम घेण्यात आले. त्यावेळी उदघाटन स्थानावरून बोलतांना जिल्हा परिषदेचे माजी अध्यक्ष अजय कंकडालवार म्हणाले आज आपण वीर बाबूराव शेडमाके यांच्या पूतडाच्या अनावरण व बिरसा मुंडा जयंती कार्यक्रम आपण साजरी करत आहोत त्यानिमित्तने सर्व समाज घटक एकत्रित आलो असून  समाजचे उन्नतीसाठी व  सर्वांगीण  विकासासाठी एकत्र राहून काम केल्यास निश्चित विकास होईल त्यासाठी सर्वानी एकत्र येणे गरजेचे असल्याचे प्रतिपादन केले. तसेच आदिवासी बांधवाना पेसा कायदा, वन हक्क कायदा, आदिवासीचे रुंढी, परंपरा, जल जंगल ज़मीन विषय सखोल अशी मार्गदर्शन केले. या कार्यक्रमाच्या अध्यक्ष सोमजी वेलादी सामाजिक कार्यकर्ते, शंकर गावडे सर भूमका महासंग सचिव व गोंडी प्रचारक आदि होते. कार्यक्रमाचे मुख्य आथिती रियाज शेख, सुरेखा आलाम माजी सभापती अहेरी, कलिक  मुख्याध्यापक आश्रम शाळा, डॉ.संतोष नैताम कमलापूर आरोग्य अधीकारी, पंकज तलांडे सरपंच जीमलगठा, अजय आत्राम सरपंच बामणी, शांता सिडाम सरपंच पेठा, ज्योती मडावी माजी उपसरपंच कोंजेड, सयाम सर, खडू सर, पोटे, पेरामा चिंनाजी मिसाल, प्रमोद कोडापे, सलाम, शिवराम व इतर मान्यवर उपस्तीत होते. या कार्यक्रमाचे संचलन श्याम नैताम यांनी केले. सायंकाळी भोजन करून आदिवासी सांस्कॄतिक कार्यक्रम घेण्यात आले असून यावेळी परिसरातील ग्रूपनी सहभाग घेतले असून यावेळी परिसरातील बहुसंख्य महिला व पुरुष उपस्थित होते.





  Print






News - Gadchiroli




Related Photos