'आधार' साठी आता ‘लाइव्ह फेस फोटो’ योजना टप्प्याटप्प्याने सुरू करणार


- यूआयडीएआय चा निर्णय 
वृत्तसंस्था / नवीदिल्ली :
  आधार कार्डची अंमलबजावणी करणारी संस्था भारतीय विशिष्ट ओळख प्राधिकरण (यूआयडीएआय) आता व्यक्तीची ओळख प्रमाणित करण्यासाठी ‘लाइव्ह फेस फोटो’ योजना टप्प्याटप्प्याने सुरू करणार आहे.  यासाठी प्राधिकरण सर्व मोबाइल सेवा देणाऱ्या कंपन्यांच्या सहकार्याने १५ सप्टेंबरपासून ही सुविधा सुरू करणार असून   सिम कार्ड खरेदी प्रक्रियेपासून याची सुरुवात सुरू केली जाणार आहे.
  ही १५ सप्टेंबरपासून होणार आहे. या योजनेंतर्गत नवीन मोबाइल सिम घेण्यासाठी अर्जात लावण्यात आलेले छायाचित्र त्याच व्यक्तिला समोर बसवून घेण्यात आलेल्या छायाचित्राशी जुळवून पाहिली जाणार आहे. जी मोबाइल कंपनी १५ सप्टेंबरपासून ही सेवा सुरू करणार नाही त्यांच्यावर दंडात्मक कारवाई करण्यात येईल, असे यूआयडीएआयने स्पष्ट केले आहे.
त्याचबरोबर त्यांनी म्हटले की, नेटवर्क सेवा देणाऱ्या कंपन्या वगळता उर्वरित सत्यता पडताळणाऱ्या संस्थानांही याबाबत निर्देश देण्यात येतील. ‘लाइव्ह फेस फोटो’ आणि ‘इ केवायसी’ दरम्यान घेण्यात आलेले छायाचित्र जुळवणे सक्तीचे राहणार आहे. यामध्ये मोबाइल सिमसाठी आधारचा वापर होत आहे. फिंगरप्रिंटमधील फेरफाराची शक्यता आणि क्लोनिंग रोखण्यासाठी हे पाऊल उचलण्यात आले आहे. यामुळे मोबाइल सिम कार्यरत करण्याची ऑडिट प्रक्रिया आणि सुरक्षा आणखी मजबूत करता येईल.  सिम जारी करताना आधारचा उपयोग होत असेल तेव्हाच लाइव्ह फेस फोटो हा इ केवायसी फोटोशी जुळता असण्याची गरज असल्याचे, यूआयडीएआयचे मुख्य कार्यकारी अधिकारी अजयभूषण पांडे म्हणाले. दूरसंचार विभागाच्या निर्देशानुसार जर सिम आधार शिवाय इतर पद्धतीने जारी केले जात असतील तर हे निर्देश लागू होणार नाहीत, असेही त्यांनी स्पष्ट केले.



  Print






News - World | Posted : 2018-08-21






Related Photos