महत्वाच्या बातम्या

 आजपासून ट्विटरवर शुल्क सक्ती व पैसे न भरलेल्या अकाउंटचे ब्लू टिक हटणार


विदर्भ न्यूज एक्सप्रेस 

वृत्तसंस्था / नवी दिल्ली : आजपासून ट्विटर शुल्क न भरलेल्या व्हेरीफाइड अकाऊंट्सचे ब्लू टिक काढण्यास सुरुवात करणार आहे.

भारतात ब्लू टिकसाठी ९०० रुपये प्रति महिना मोजावे लागणार आहे. यानुसार, अनपेड ट्विटर अकाऊंटचे ब्लू टिक सबस्क्रिप्शन हटवण्यात येणार आहे. एलन मस्ककडून ट्विटरच्या सीईओ पदाची धुरा सांभाळल्यानंतर अनेक निर्णय घेण्यात आले आहे.

ट्विटर ब्लू टिक एक प्रीमियम सर्व्हिस आहे. जी पूर्णपणे पेड आहे. यासाठी मंथली सब्सक्रिप्शन घेणे आवश्यक आहे. ट्विटरचे अँड्रॉयड आणि आयओएस यूजर्ससाठी ट्विटर ब्लू सब्सक्रिप्शनसाठी भारतात ९०० रुपये मोजावे लागणार आहे. तर वेब यूजर्ससाठी याची किंमत फक्त ६५० रुपये आहे. ट्विटर यूजर्स ६ हजार ८०० रुपयांचे वार्षिक सब्सक्रिप्शन घेवू शकता.

ब्लू टीक ही फक्त प्रसिद्ध प्रोफाईल असणाऱ्या व्यक्तींना देण्यात येत होती. यामध्ये राजकीय नेते, समाज कार्यकर्ते, सेलिब्रिटी, शास्त्रज्ञ आदी लोकांचा समावेश होता. एलन मस्ककडून ट्विटरच्या सीईओ पदाची धुरा सांभाळल्यानंतर अनेक महत्त्वाचे निर्णय घेण्यात आले आहे. आता कोणालाही पैसे देऊन ब्लू टीक घेता येणार आहे. मोबाईल क्रमांकाच्या माध्यमातून व्हेरीफिकेशन होणार आहे.

शुल्क भरण्याचे फायदे

- सब्सक्रिप्शन घेतलेल्या यूजर्सना ट्विटचे कॅरक्टर लिमिट वढवून देण्यात येणार आहे.

- थोडक्यात तुम्हाला १८० शब्दसंख्येचे कॅरक्टर लिमिट असणार नाही.

- सब्सक्रिप्शन घेतलेल्या यूजर्सना ट्वीट एडिटचा पर्याय देखील उफलब्ध होणार आहे.

- ट्विटर ब्लू सब्सक्रायबरला टू फॅक्टर ऑथेंटिफिकेशन मिळणार आहे. 

आता फक्त पेड सबस्क्रिप्शन विकत घेतलेल्या युजर्सना ट्विटरची ब्लू टिक मिळणार आहे. काही महिन्यांपूर्वी ट्विटरने ब्लू टिक सब्सक्रिप्शनचा नवा पर्याय आणला होता. मात्र, त्याआधी ब्लू टिक मिळालेल्या म्हणजे जुन्या व्हेरिफाईट युजर्सची ब्लू टिक हटवण्यात आली नव्हती. आता कंपनीने आधी दिलेल्या ब्लू टिक हटवण्याचा निर्णय घेतला आहे. त्यामुळे पेड सबस्क्रिप्शन नसलेल्यांना ब्लू टिक मिळणार नाही.





  Print






News - Rajy




Related Photos