Petrol Price
साकोली तालुक्यात ५ कोतवाल पदांची भरती : २४ सप्टेंबरला आरक्षण निश्चितीची सभा
- संबंधित गावांतील इच्छुक नागरिकांनी दुपारी ४ वाजता उपस्थित राहण्याचे तहसीलदार निलेश कदम यांचे आवाहन
विदर्भ न्यूज एक्सप्रेस
प्रतिनिधी / भंडारा : साकोली तालुक्यातील रिक्त असलेल्या ५ साझांतील महसूल सेवक (कोतवाल) पदांच्या भरतीसाठी मंजूर बिंदुनामावलीनुसार साझातील गावांची एकत्रित लोकसंख्या विचारात घेऊन प्रवर्गनिहाय आरक्षण निश्चित करण्यात येणार आहे. यासाठी गुरुवार, २४ सप्टेंबर २०२६ रोजी दुपारी ४ वाजता नवीन इमारत, गडकुंभली रोड, तहसील कार्यालय साकोली येथील सभागृहाच्या वरच्या मजल्यावर निवड समितीचे अध्यक्ष तथा उपविभागीय अधिकारी, साकोली यांच्या अध्यक्षतेखाली सभा आयोजित करण्यात आली आहे.
रिक्त साझांमध्ये वडेगांव त.सा.क्र.५ अंतर्गत वडेगांव, तुडमापुरी, खांबा, मालुटोला, जांभळी खांबा; परसोडी त.सा.क्र.८ अंतर्गत परसोडी, चारगांव, सुंदरी; सेंदुरवाफा त.सा.क्र.१० अंतर्गत सेंदुरवाफा, सावरगांव (रिठी); पळसगांव/सो. त.सा.क्र.१७ अंतर्गत पळसगांव, निलज, पापळा बु., पापळा खु.; तसेच शिवनीबांध त.सा.क्र.२१ अंतर्गत शिवनीबांध, सानगांव, केसलवाडा, झाडगांव, साखरा या गावांचा समावेश आहे.
संबंधित गावांतील इच्छुक नागरिकांनी सदर प्रक्रियेसाठी वेळेत उपस्थित राहावे, असे आवाहन तहसीलदार तथा कोतवाल पदभरती प्रक्रिया समितीचे सदस्य सचिव निलेश कदम यांनी केले आहे.
