महत्वाच्या बातम्या

रेल्वे स्टेशन व रेल्वे लाईन कामांकरिता मोठी तरतुद : खासदार रामदास तडस

- अमृत भारत स्टेशन अंतर्गत महाराष्ट्रातील १२३ स्टेशनमध्ये वर्धा लोकसभा क्षेत्रातील स्टेशनचा समावेश.

- महाराष्ट्रातील विविध रेल्वे लाईन व इतर प्रकल्पाला अर्थसंकल्पात भरीव तरतुद.

विदर्भ न्यूज एक्सप्रेस

प्रतिनिधी / वर्धा : केंद्र सरकारने अर्थसंकल्प-२०२३ मध्ये महाराष्ट्रातील रेल्वे प्रकल्पासाठी आणि रेल्वेच्या इतर कामांसाठी १३ हजार ५३६ कोटींचा निधी दिला आहे. हा निधी महाराष्ट्राला मिळालेला आतापर्यंतचा सर्वात मोठा निधी आहे, त्यामुळे महाराष्ट्रातील प्रकल्प जलदगतीने पुर्ण होणार आहे, यामध्ये अमृत भारत स्टेशन अंतर्गत महाराष्ट्रातील १२३ स्टेशनचा विकास होणार आहे, यामध्ये वर्धा लोकसभा क्षेत्रातील धामणगांव, हिंगणघाट, पुलगांव, सेवाग्राम व वर्धा या रेल्वे स्थानकाचा समावेश आहे, तसेचे महाराष्ट्रातील नांदेड-देगलूर-बिदर नवीन रेल्वेमार्गसाठी १०० कोटी रुपये, परळी-वैजनाथ-बीड-नगर नवीन रेल्वेमार्ग ४०० कोटी ९५ लाख रुपये, दौंड-मनमाड दुहेरीकरण ४३० कोटी रुपये, लोंढा-मिरज-पुणे दुहेरीकरण ९०० कोटी रुपये, कल्याण-कसारा ३ री लाईन ९० कोटी रुपये, मनमाड-जळगाव ३ री लाईन ३५० कोटी रुपये, नागपूर-इटारसी ३ री लाईन ३१० कोटी रुपये, अकोला-खंडवा-महू गेज कनव्हर्जनसाठी ७०० कोटी रुपये, सोलापूर-तुळजापूर-धाराशिव ११० कोटी, धुळे-नरडाणा १०० कोटी रुपये व वर्धा लोकसभा क्षेत्रातील नांदेड-यवतमाळ-वर्धा नवीन रेल्वेमार्ग ८५० कोटी रुपये, वर्धा-नागपूर ३ टी लाईन १५० कोटी रुपये, वर्धा-बल्हारशहा ३ री लाईन ३०० कोटी रुपये, वर्धा-नागपूर ४ थी लाईन १५० कोटी रुपये आवंटीत करण्यात आल्याची माहिती खासदार रामदास तडस यांनी दिले.

यावर्षी अर्थसंकल्पात १३ हजार ५३६ कोटींचा निधी महाराष्ट्राला दिला आहे. वर्ष २००९ ते २०१४ या पाच वर्षाच्या कालावधीत महाराष्ट्रासाठी फक्त १ हजार १७० कोटींची तरतूद करण्यात आली होती. आता फक्त २०२३-२४ साठी १३ हजार ५३६ कोटीं निधी महाराष्ट्राला दिलेला आहे, त्यामुळे वर्धा लोकसभा क्षेत्रासोबतच संपुर्ण महाराष्ट्रातील प्रकल्प जलदगतीने पुर्ण होण्यास मदत होईल, तसेच अमृत भारत स्टेशन अंतर्गत रेल्वे स्थानकाचाही विकास होईल असा विश्वास खासदार रामदास तडस यांनी व्यक्त करुन माननीय पंतप्रधान नरेंद्र मोदी, केन्द्रीय अर्थमंत्री निर्मला सीतारमण, रेल्वेमंत्री अश्विनी वैष्णव व रेल्वे राज्यमंत्री रावराहेब दानवे यांच्या प्रती आभार व्यक्त केले.