रेंगेवाही उपक्षेत्रातील वनपाल रमेश बलैया ला ४० हजारांची लाच स्वीकारताना रंगेहात अटक


विदर्भ न्यूज एक्सप्रेस
प्रतिनिधी / आष्टी 
: लाकुड चोरीच्या गुन्ह्यात सवलत देण्यासाठी तसेच जप्त केलेली दुचाकी परत देण्यासाठी १ लाख २० हजारांच्या लाचेची मागणी करून तडजोडीअंती  पहिला हप्ता म्हणून ४० हजारांची लाच स्वीकारताना वनपाल रमेश पन्नु बलैया (३२) याला रंगेहात अटक करण्यात आली आहे. बलैया रेंगेवाही उपक्षेत्र मार्कंडा (कं) येथे कार्यरत होता.
 तक्रारकर्त्याच्या भावास वन कायदयाअंर्तगत लाकुड चोरीच्या गुन्हयात अटक करतांना सवलत देण्यासाठी आणि त्याच गुन्हयात जप्त केलेली भावाची पल्सर मोटारसायकल सोडुन देण्याचे कामाकरीता आरोपी  वनपाल रमेश   बलैया याने १ लाख २० हजार रुपयांची मागण करून त्यापैकी पहीला हफ्ता  ५० हजार रुपये लाच रक्कमेची मागणी केली. तक्रारदारास आरोपी   वनपाल रमेश बलैया यांनी मागितलेली लाच रक्कम देण्याची मुळीच   इच्छा नसल्याने लाच-लुचपत प्रतिबंधक विभाग, कार्यालय गडचिरोली येथे तक्रार दिली. त्या अनुषंगाने लाच-लुचपत प्रतिबंधक विभाग गडचिरोली येथिल अधिकारी व कर्मचाऱ्यांनी मार्कंडा(कं)   जंगल परिसरात सापळयाचे आयोजन केले. आज  ११ आॅक्टोबर रोजी आरोपी वनपाल  रमेश बलैया  याला   ४० हजार रुपये लाच रक्कम पंचसाक्षीदारासमक्ष स्विकारतांना रंगेहाथ पकडण्यात आले. आरोपीचे कृत्य भ्रष्टाचार  प्रतिबंध अधिनियम (सुधारीत) २०१८ अन्वये गुन्हा होत असल्याने पोलीस ठाणे आष्टी येथे गुन्हा दाखल करण्यात आला. सदर  कार्यवाही पोलीस उपायुक्त/पोलीस अधिक्षक  पि. आर. पाटील, अपर पोलीस अधिक्षक राजेश दुद्दलवार, अपर पोलीस अधीक्षक राजेंद्र नागरे, पोलीस उपअधिक्षक  विजय माहुलकर , पोलीस उपअधिक्षक  डि.एम.घुगे यांच्या मार्गदर्शनात  पोलीस निरीक्षक रवि राजुलवार, सहा.फौज. मोरेश्वर लाकडे, पो.हवा. विठोबा साखरे, सत्यम लोहंबरे, नापोशि रविंद्र कत्रोजवार, सतीष कत्तीवार, सुधाकर दंडीकेवार, पो.काॅ. देवेंद्र लोनबले, गणेश वासेकर, महेश कुकुडकार, तुळशिदास नवघरे, घनश्याम वडेट्टीवार, सोनल आत्राम, सोनी तवाडे यांनी केली  आहे.

 



  Print






News - Gadchiroli | Posted : 2018-10-11






Related Photos