Petrol Price
गोंडवाना सैनिकी विद्यालयात रक्षाबंधन उत्साहात साजरे
विदर्भ न्यूज एक्सप्रेस
प्रतिनिधी / गडचिरोली : शहरातील राणी दुर्गावती कन्या विद्यालय तथा स्कूल ऑफ स्कॉलर्सच्या गाईड पथकातील वीरांगना या कार्यक्रमास प्रमुख उपस्थित राहिल्या. त्यांनी गोंडवाना सैनिकी विद्यालयातील विद्यार्थ्यांना तसेच शिक्षकांना राखी बांधून बंधुभाव, प्रेम आणि संरक्षणाचा संदेश दिला. या कार्यक्रमाच्या अध्यक्षस्थानी विद्यालयाचे प्राचार्य मा. ओमप्रकाश संग्रामे होते.
रक्षाबंधनाच्या या विशेष प्रसंगी विद्यार्थ्यांनी आणि कॅडेट्सनी देशसेवेची प्रेरणा घेत भारतीय सैन्यात भरती होऊन देशाचे रक्षण करण्याचा संकल्प केला. कॅडेट्सनी देशाप्रती निष्ठा ठेवून राष्ट्ररक्षणासाठी सदैव तत्पर राहण्याचे वचन दिले.
प्राचार्य मा. ओमप्रकाश संग्रामे यांनी विद्यार्थ्यांना मार्गदर्शन करताना रक्षाबंधन हा सण केवळ राखी बांधण्यापुरता मर्यादित नसून कर्तव्य, संरक्षण, सन्मान आणि राष्ट्रप्रेमाची भावना जागृत करणारा सण आहे, असे प्रतिपादन केले. विद्यालयातील शिक्षक, कर्मचारी व विद्यार्थ्यांच्या उत्स्फूर्त सहभागामुळे हा रक्षाबंधनाचा कार्यक्रम अत्यंत उत्साहपूर्ण, प्रेरणादायी आणि अविस्मरणीय वातावरणात संपन्न झाला.
