महत्वाच्या बातम्या

वर्धा लोकसभा क्षेत्रात विकासकामे आणण्यास खासदार रामदास तडस यांचा मोठा हातखंडा : संघटन मंत्री उपेंद्र कोठेकर

- वर्धा लोकसभा क्षेत्रातील ग्रामपंचायतींना 25 लाखाचा निधी उपलब्ध करुन देण्याकरिता प्रयत्न करणार : खासदार रामदास तडस

- देवळी विधानसभा क्षेत्रातील सरपंच व सदस्यांचा सत्कार समारोह

विदर्भ न्यूज एक्सप्रेस

प्रतिनिधी / देवळी : खासदार रामदास तडस यांनी आपल्या लोकसभा क्षेत्राच्या विकासासाठी केन्द्र व राज्यसरकार कडून मोठया प्रमाणात निधी आणलेला आहे व ते कामे आपल्या सर्वांना दिसत आहे, मोदी, गडकरी, फडणवीस किंवा इतर नेत्यांना पटवून त्यांना काय सांगायचे व त्यांचे कडून कोणतेही काम कसे काढून घ्यावयाचे याबाबत खासदार रामदास तडस यांचा हातखंडा राहिला आहे. खऱ्या अर्थाने राजकारणातील कसलेले व तरबेज पहेलवान म्हणून त्यांची ख्याती अनेक उदाहरणावरून सिद्ध झाली आहे. त्यामुळे निर्वाचित भाजपाच्या प्रत्येक ग्रा.प.ला 25 लाखाचा निधी मिळवून देण्यास त्यांचे प्रयत्न महत्त्वपूर्ण राहणार आहे. भाजपाने ही निवडणूक गांभीर्याने घेतल्याने राज्यात ही पार्टी पहिल्या क्रमांकावर राहिली आहे. जिल्ह्यात सुद्धा अव्वल स्थानी राहिल्याने, विकासाची गंगा ग्रामीण भागातील तळागळापर्यंत पोहचविण्यासाठी सर्वांची जबाबदारी राहणार असल्याचे प्रतिपादन भाजपा विदर्भ संघटक उपेन्द्र कोठेकर यांनी केले.

देवळी येथे देवळी विधानसभा मतदार संघातील 24 ग्रा. प. पैकी 16 ग्रा. प. मध्ये भाजपाचे सरपंच विराजमान झाल्याबद्दल तसेच मोठया संख्येत ग्रा.प. सदस्याचा सत्कार भाजपा विदर्भ संघटक उपेकन्द्र कोठेकर व खासदार रामदास तडस यांच्या शुभहस्ते संपन्न झाला, कार्यक्रमाला भाजपाचे जिल्हा अध्यक्ष सुनील गफाट, भाजपाचे प्रदेश सचिव राजेश बकाने. माजी जीप उपाध्यक्ष वैशाली येरावर, माजी नगराध्यक्ष शोभा तडस, सुचिता मडावी, वरुण पाठक, मिलिंद भेंडे, दीपक फुलकरी, अविनाश देव, प्रा नरेंद्र मदनकर, नंदू वैद्य, राहुल चोपडा, विवेक भालकर, राजू किटूकले, सौ माधुरी इंगळे, सौ नीलिमा पळसकर, सौ मयुरी मसराम यांची उपस्थिती होती.

यावेळी भाजपाचे जिल्हा अध्यक्ष सुनील गफाट, भाजपाचे प्रदेश सचिव राजेश बकाने यांनी समोयोचीत मार्गदर्शन केले.

कोणाशीही आघाडी न करता स्वतःचे भरवश्यावर लढणारी पार्टी म्हणून भाजपाने नावलौकिक कामविला आहे, वर्धा जिल्हयात 113 ग्रामपंचायत पैकी 68 ग्रामपंचायत मध्ये भाजपाचे सरपंच व सदस्य निवडून आलेले आहे, येत्या काळात जिल्हापरिषद, पंचायत समिती व नगर परिषदेमध्ये जास्तीत जास्त सदस्य निवडूण आणण्याकरिता सर्वांनी प्रयत्न करणे गरजेचे आहे. तसेच देवळीची आमदारकी व कृषी उत्पन्न बाजार समितीत भाजपचीच सत्ता राहणार असल्याचा आशावाद खासदार रामदास तडस यांनी व्यक्त करून वर्धा लोकसभा क्षेत्रातील भाजपच्या निर्वाचीत प्रत्येक ग्रामपंचायतला ला 25 लाखाचा निधी उपलब्ध करुन देण्याकरिता प्रयत्न करणार असल्याचे यावेळी सांगीतले.

प्रास्ताविक भाजपचे देवळी विधानसभा अध्यक्ष दीपक फुलकरी तसेच संचालन भाजपचे तालूका अध्यक्ष दशरथ भुजाडे यांनी केले.यावेळी सरपंच नंदा संजय बीजवार, ज्ञानेश्वर थोटे, सुधीर बोबडे, नितीन गंभीर, विलास सुरसे, अमृता गजानन कोचपटे, कल्पना योगेश होटे, हेमंत जयपूरकर, सुरेखा किशोर ठाकरे, सुषमा अमोल मेश्राम, गीता टेकाम, विठ्ठलराव आत्राम तसेच इतर सरपंचाचा व ग्रा. प सदस्यांचा सत्कार करण्यात आला. कार्यक्रमाला विद्या भुजाडे,गजानन राजूरकर, भाजपचे शहर अध्यक्ष रवी कारोटकर, मयुरी मसराम, कीशोर गव्हाळकर, मारोती लोहवे, दुर्गा मडावी, अरविंद नाकतोडे, उमेश कामडी, सौरभ कडू तसेच ग्रा. प. चे निर्वाचित सदस्य, भाजपाचे पदाधिकारी व कार्यकर्ते मोठया संख्येने उपस्थित होते.