चंद्रपूर जिल्ह्यात आढळले आणखी तीन कोरोना पॉझिटीव्ह रुग्ण, कोरोना बाधितांची संख्या पोहचली ४७ वर


विदर्भ न्यूज एक्सप्रेस
प्रतिनिधी / चंद्रपूर :
चंद्रपूर शहरामधील तुकूम परिसरात आणखी दोन महिला कोरोना पॉझिटिव्ह आढळून आल्या आहेत. बाधिताच्या संपर्कातील या दोन्ही महिला आहेत. तर ब्रम्हपुरी तालुक्यातील अड्याळ टेकडी येथील पॉझिटिव्ह बाधिताच्या संपर्कातील तळोधी खुर्द येथील आणखी एक नागरिक बाधित आढळून आला आहे. रविवारी तीन नागरिकांचे अहवाल कोरोना पॉझिटिव्ह आल्यामुळे चंद्रपूर जिल्ह्यातील बाधितांची संख्या ४७ झाली आहे. जिल्हा आरोग्य यंत्रणेकडून मिळालेल्या प्राथमिक माहितीनुसार, सुमित्रानगर, तुकुम परिसरातील प्रतिबंधित क्षेत्रातील बाधित रुग्णाची ४७ वर्षीय पत्नी व ३० वर्षीय मुलीचा अहवाल पॉझिटीव्ह आला आहे. दोघींची प्रकृती स्थिर आहे. दुसरा २० वर्षीय युवक अड्याळ टेकडी येथील बाधितांच्या संपर्कातील आहे. ब्रम्हपुरी तालुक्यातील तळोधी खुर्द येथील या रुग्णाची प्रकृती स्थिर आहे. चंद्रपूरमध्ये आतापर्यंत २ मे (एक बाधित), १३ मे (एक बाधित), २० मे (एकूण १० बाधित), २३ मे (एकूण ७ बाधित) व २४ मे (एकूण बाधित २), २५ मे (एक बाधित), ३१ मे (एक बाधित), २ जून (एक बाधित), ४ जून (दोन बाधित), ५ जून (एक बाधित), ६ जून (एक बाधित), ७ जून (एकूण ११ बाधित), ९ जून (एकूण ३ बाधित), १० जून (एक बाधित), १३ जून (एक बाधित) आणि १४ जून (एकूण ३ बाधित) अशाप्रकारे जिल्हयातील कोरोना बाधित ४७ झाले आहेत. आतापर्यंत २४ बाधित बरे झाल्याने त्यांना दवाखान्यातून सुट्टी देण्यात आली आहे. त्यामुळे ४४ पैकी ॲक्टीव्ह बाधितांची संख्या आता २३ झाली आहे.




  Print






News - Chandrapur | Posted : 2020-06-14






Related Photos