गडचिरोली पोलीस दलास ‘सर्वोत्कृष्ट पोलीस घटक’ म्हणुन दोन पुरस्कार जाहिर


विदर्भ  न्यूज एक्सप्रेस 
प्रतिनिधी  / गडचिरोली :
महाराष्ट्र पोलीस दलामध्ये राज्यातील पोलीस घटकांची कार्यक्षमता आणि कामगिरी आणि वाढविणे, तसेच दिलेल्या मर्यादेमध्ये उत्कृष्ट पध्दतीने काम करणे, तसेच गुन्हेगारीला प्रतिबंध आणि गुन्ह्याचा तपास, त्याचप्रमाणे कायदा व सुव्यवस्था राखण्याच्या उद्देशाने महाराष्ट्र पोलीसांच्या वतीने ‘ सर्वोत्कृष्ट पोलीस घटक निवड ’  पुरस्कार प्रदान करण्यात येणार होते. याकरीता राज्यातील सर्व पोलीस घटकांकडून करण्यात आलेल्या कामगिरीच्या मुल्यांकन करून प्रत्येक घटकातील पुर्ण वर्षात (जानेवारी २०२० ते डिसेंबर २०२०) या कालावधीमध्ये दाखल गुन्ह्यांची माहिती विचारात घेवुन राज्यातील पोलीस घटकांची तीन श्रेणीमध्ये विभागणी केलेली होती. 
गडचिरोली पोलीस दलास कॅटेगिरी ‘A’ गटात मा. अपर पोलीस महासंचालक (कायदा व सुव्यवस्था) महाराष्ट्र राज्य, मुंबई. यांचे कडून ‘ सर्वोत्कृष्ट पोलीस घटक ’ निवड झाल्यानंतर मा. पोलीस अधीक्षक अंकित गोयल सा. यांनी गडचिरोली पोलीस दलात अतिशय खडतर सेवा बजावत असलेल्या सर्व अधिकारी व अंमलदार यांचे कौतुक केले. गडचिरोली जिल्हा हा नक्षलग्रस्त अतिसंवेदनशिल असुन, जिल्ह्याच्या भौगोलिक परिस्थितीचा विचार करता, अनेक आव्हानांना सामोरे जावे लागते. तसेच जिल्ह्यामध्ये कायदा व सुव्यवस्थेची जबाबदारी हाताळावी लागत असते. पोलीस अधीक्षक अंकित गोयल सा. यांच्या नेतृत्वात जिल्ह्यातील नक्षल हालचालींवर अंकुश मिळवत उत्कृष्ठ कामगिरी गडचिरोली पोलीस दलाकडून पार पाडल्या जात आहे. 
गडचिरोली पोलीस दलास अशा प्रकारे दोन ‘सर्वोत्कृष्ट पोलीस घटक’ पुरस्कार  जाहीर होण्याची ही पहीलीच वेळ आहे. या पुरस्कारामध्ये खालील दोन पुरस्कारांचा समावेश केल्या गेलेला आहे. यामध्ये
 1) (Best Unit in use of technology for policing) 
 2) (Best Unit in  community policing initiatives)  
हे पुरस्कार जाहिर झाल्यानंतर मा. पोलीस अधीक्षक अंकित गोयल सा. यांनी सर्व गडचिरोली पोलीस दलाचे अभिनंदन केले.



  Print






News - Gadchiroli | Posted : 2021-09-17




Related Photos