जम्मू-काश्मीरमध्ये , पोलीस कार्यालयाच्या समोर दहशतवाद्यांचा ग्रेनेड हल्ला : १० नागरिक जखमी


विदर्भ न्यूज एक्सप्रेस 
वृत्तसंस्था / श्रीनगर :
जम्मू-काश्मीरमधील अनंतनाग येथे काल रात्री उशिरा अतिरेकी हल्ला झाला. यात १० लोक जखमी झाले. प्राप्त माहितीनुसार, पोलीस उपायुक्तांच्या कार्यालयाच्या समोर दहशतवाद्यांनी ग्रेनेड फेकून हल्ला केला. या घटनेनंतर परिसरात शोधमोहीम वाढवण्यात आली आहे. जखमींना रुग्णालयात दाखल करण्यात आले आहे.
हल्लेखोरांच्या निशाण्यावर डीसी ऑफिसच्या बाहेर तैनात असलेले कर्मचारी होते. जम्मू-काश्मीर पोलिसांच्या म्हणण्यानुसार, हल्ल्यात १० लोक जखमी झाले. यात एक पोलीस कर्मचारी, एक पत्रकार आणि एका लहान मुलाचा समावेश आहे. जखमींना उपचारांसाठी रुग्णवाहिकेतून रुग्णालयात नेण्यात आले.
हल्ल्यानंतर तातडीने सुरक्षा दलाची कुमक वाढवण्यात आली आणि परिसराला घेराव घालण्यात आला. दहशतवाद्यांना शोधण्यासाठी सर्च ऑपरेशनदेखील सुरू करण्यात आले आहे.



  Print






News - World | Posted : 2019-10-05






Related Photos