वैनगंगा नदी पात्रात उडी घेऊन प्रेमी युगूलाची आत्महत्या, एकमेकांचे हात ओढणीने बांधून घेतली नदीत उडी


विदर्भ न्यूज एक्सप्रेस 
प्रतिनिधी /  भंडारा :
एकमेकांचे हात ओढणीने बांधून  प्रेमीयुगुलाने वैनगंगा नदी पात्रात उडी घेऊन आत्महत्या केल्याची घटना  शहरालगतच्या कारधा येथे आज रविवार १८ नोव्हेंबर रोजी  सकाळी १० वाजता उघडकीस आली.   विशाल गणेश शेंडे (२२) आणि दीक्षा मारबते अशी मृतांची नावे आहेत.  या घटनेने संपूर्ण जिल्ह्यात एकच खळबळ उडाली आहे.  
भंडारा शहरालागत असलेल्या कारधा येथील वैनगंगा नदीपात्रात रविवारी सकाळी दोन मृतदेह पाण्यावर तरंगताना काही नागरिकांना दिसले. त्यांनी या घटनेची माहिती तात्काळ कारधा पोलिसांना दिली. पोलिसांनी घटनास्थळी धाव घेतली.   स्थानिक मासेमारांच्या मदतीने मृतदेह बाहेर काढले. मृतदेहाजवळ आढळलेल्या मोबाइलच्या आधारे त्यांची ओळख पटली. विशाल मोलमजुरीचे काम करीत होता. विशालच्या आईने दिलेल्या माहितीनुसार, तो गुरुवारी सायंकाळी ६ वाजता शंभर रुपये घेऊन घरून निघून गेला. मात्र घरी परत आला नाही. त्याचा शोध घेऊनही पत्ता लागला नाही. त्यामुळे बेपत्ता झाल्याची तक्रार पोलिसात दिली होती. दरम्यान रविवारी सकाळी वैनगंगा नदीपात्रात त्याचा अाणि दीक्षाचा मृतदेह आढळून आला. दीक्षा आणि विशाल हे एकमेकांचे नातेवाईक असून आपल्या प्रेमाला विरोध होत असल्याने त्यांनी आपली जीवनयात्रा संपवली असावी असा अंदाज आहे. या घटनेचा तपास पोलीस निरीक्षक गजानन कंकाळे यांच्या नेतृत्वात सुरू आहे. 



  Print






News - Bhandara | Posted : 2018-11-18






Related Photos