महत्वाच्या बातम्या

 परिवहन महामंडळाचा वर्धा विभाग उत्पन्नात राज्यात प्रथम


- २१ दिवसात ६ कोटी रुपयाचे उत्पन्न
विदर्भ न्यूज एक्सप्रेस 
प्रतिनिधी / वर्धा : दिवाळी कालावधीत वर्दळ व गर्दी बघता 21 ऑक्टोबर ते 10 नोव्हेंबर या कालावधीसाठी महाराष्ट्र राज्य मार्ग परिवहन महामंडळाच्या वतीने विभागनिहाय प्रतिदिन चालनिय किलोमीटर व प्रतिदिन उत्पन्नाचे उद्दिष्ट देण्यात आले होते. त्यानुसार महामंडळातील प्राप्त उत्पन्नाची सर्व विभागाची प्रतवारी ठरविण्यात आली. यामध्ये प्रवासी जनतेच्या सेवेसाठी सदैव अग्रेसर व तत्पर असलेल्या वर्धा विभागाने महामंडळाच्या सर्व विभागातील प्रतवारीनुसार सर्वात जास्त उत्पन्न प्राप्त करुन राज्यात प्रथम क्रमांक पटकाविला. सदर कालावधीत वर्धा विभागाने 11 लाख 11 हजार 578 प्रवाशांची वाहतुक करुन 6 कोटी 8 लाख 52 हजार 291 रुपयाचे उत्पन्न प्राप्त केले. यासाठी प्रवाश्यानी महामंडळाच्या प्रवासी बसचा वापर करुन प्रवास केल्याबाबत प्रवाश्याचे, महामंडळाचे अधिकारी, कर्मचारी, वाहक, चालक यांचे विभाग नियंत्रक संदिप रायलवार यांनी आभार मानले, असे विभाग नियंत्रक यांनी कळविले आहे.





  Print






News - Wardha




Related Photos