गोविंदपूर नाल्याच्या पुरात अडकलेल्या दोघांना वाचविण्यात यश


- चार मार्ग बंद, भामरागडची पुरस्थिती नियंत्रणात
विदर्भ न्यूज एक्सप्रेस
  प्रतिनिधी/ गडचिरोली :
गोसेखूर्द धरणातून २० हजार क्युमेक्स पाणी सोडण्यात येणार होते. मात्र सतत तीन दिवस सोडलेल्या पाण्यामुळे धरणाची साध्यक्षमता  सज्ज झाल्यामुळे पाणी सोडण्यात आले नाही. मात्र जिल्ह्यात पुरपरिस्थिती असून चामोर्शी मार्गावरील गोविंदपूर नाल्याच्या पुरात अडकलेल्या दोघांना महसूल आणि  पोलिस विभागाच्या पथकाने सुखरूप बाहेर काढले आहे.
गडचिरोली - चामोर्शी मार्ग शिवणी जवळील नदीमुळे आणि गोविंदपूर नाल्याच्या पुरामुळे बंद पडला आहे. पाल नदीच्या पुरामुळे आरमोरी मार्ग बंद आहे तर वैनगंगा नदीच्या पुरामुळे आष्टी - चंद्रपूर मार्ग बंद आहे. तसेच अनखोडा - कढोली हा मार्गसुध्दा बंद आहे. दरम्यान एका व्यक्तीने दोन जण गोविंदपूर नाल्याच्या पुरात अडकल्याची माहिती नियंत्रण कक्षाला देताच पोलिस आणि महसूल विभागाने मोहिम राबवून पुरात अडकलेल्यांना सुखरूप बाहेर काढले.
सध्यास्थितीत गोसेखूर्द धरणाचे १७ दरवाजे १.५ मीटरने सुरू आहेत तर १६ दरवाजे १ मीटरने सुरू आहेत. यामधून ८ हजार ७२९ क्युमेक्स पाण्याचा विसर्ग सुरू आहे. चिचडोह बॅरेजचे ३८ दरवाजे सुरू असून १५ हजार ६९८ क्युमेक्स पाण्याचा विसर्ग सुरू आहे. तेलंगणा राज्यातील मेडीगट्टा धरणाचे ५६ दरवाजे उघडण्यात आले आहे. यामधून ३.८०  लाख क्युमेक्स पाण्याचा विसर्ग होत आहे. 

 



  Print






News - Gadchiroli | Posted : 2019-09-10






Related Photos