गडचिरोली - चामोर्शी मार्गावर ट्रॅक्टर - मालवाहू वाहनाची धडक, चार जण जखमी


- तामसी गावाजवळील घटना
विदर्भ न्यूज एक्सप्रेस
प्रतिनिधी / गडचिरोली :
ट्रॅक्टर आणि मालवाहू वाहनाची समोरासमोर धडक झाल्याने चार जण किरकोळ जखमी झाल्याची घटना आज ७ सप्टेंबर रोजी सायंकाळी ६  वाजताच्या सुमारास घडली. 
एमएच ३५ के ५०७५ क्रमांकाचे मालवाहू वाहन चामोर्शीकडून गडचिरोलीकडे येत होते. दरम्यान गडचिरोलीकडून चामोर्शीकडे धान कटाई यंत्र घेवून जात असलेल्या ट्रॅक्टरसोबत समोरासमोर धडक झाली. यामुळे दोन्ही वाहने क्षतीग्रस्त झाली. ट्रॅक्टर रस्त्याच्या कडेला पलटली. या अपघातात ट्रॅक्टर वरील  चार जण वाहनाखाली दबल्या गेले. तर मालवाहू वाहनाचा चालक  - वाहक  अपघात होताच पळ काढले असल्याची माहिती प्राप्त झाली आहे. वृत्त लिहीपर्यंत जखमींना बाहेर काढण्याचे काम नागरिकांच्या मदतीने सुरू होते. चामोर्शी पोलिसांनी घटनास्थळ गाठून पंचनामा सुरु केला.  

 



  Print






News - Gadchiroli | Posted : 2018-09-07






Related Photos