चुनाळा-राजुरा मार्गावर १०८ रुग्णवाहिकेत झालं बाळंतपण


विदर्भ न्यूज एक्सप्रेस 
तालुका प्रतिनिधी / राजुरा :
अत्यावश्यक वेळी धाव घेऊन लोकांचे प्राण वाचविणाऱ्या  "१०८ एम्बुलन्स" मध्ये काल १८ सप्टेंबर रोजी सायंकाळी ७.२० वाजता चुनाळा-राजुरा मार्गावर एका गर्भवतीचं  बाळंतपण झालं. आई आणि नुकतीच जन्माला आलेली चिमुकली स्वस्थ असून पुढील उपचार राजुरा ग्रामीण रुग्णालयात सुरू आहे. 
सविस्तर वृत्त असे कि  चुनाळा येथील इंदिरा नगर येथून १०८ एम्बुलन्स ची मागणी करण्यात आली. अवघ्या ६ मिनिटात १०८ एम्बुलन्स घरासमोर उभी झाली. गरोदर महिले सोबत तिची आई व एक अन्य महिलेला घेऊन एम्बुलन्स लगेच राजुरा कडे निघाली. चुनाळा-राजुरा मध्ये रस्त्यातच एम्बुलन्स मध्ये महिलेला असहनीय वेदना जाणवू लागल्या.  एम्बुलन्स मध्ये असलेल्या डॉ. सुनील टेकाम यांनी तत्परतेने रुग्णाचे गांभीर्य बघून एम्बुलन्स पायलट खुशाल लडके यांच्या सहाय्याने एम्बुलन्स मध्ये सायंकाळी जवळपास ७.३० च्या दरम्यान बाळंतपण केले. रुग्ण महिलेचे नाव रविता प्रभाकर कोडापे असून तिने एका गोंडस मुलीला जन्म दिला.  आई - मुलगी दोघेही स्वस्थ असून पुढील उपचार ग्रामीण रुग्णालय राजुरा येथे सुरू आहे.
सर्वसामान्य लोकांकरिता महत्वपूर्ण भूमिका निभावत असलेल्या "१०८ एम्बुलन्स" चे डॉ. सुनील टेकाम व पायलट खुशाल लकडे यांच्या या तातडीने घेतलेल्या कार्याची सर्वत्र प्रशंसा करण्यात येत आहे. 



  Print






News - Chandrapur | Posted : 2018-09-19






Related Photos