महत्वाच्या बातम्या

सिरोंचा तालुक्यातील रामांजपूर येथील गंभीर जखमी महेशला तातडीने राजे अम्ब्रीशराव आत्राम यांनी केली ४० हजारांची आर्थिक मदत

- दानशूर राजेंनी मोबाईल वरून बोलून तातडीने मदत केल्याने कुटूंबियांचे अश्रू अनावर

विदर्भ न्यूज एक्सप्रेस
तालुका प्रतिनिधी / सिरोंचा : तालुक्यातील रामांजपूर गावातील महेश गट्टू काटेबाईना वय (२०) यांना १७ नोव्हेंबर रोजी रामांजपूर महामार्गावर दुचाकीवरून जात असतांना मोठा अपघात झाला होता. त्यात तो गंभीर जखमी झाला. महेशचे एक पाय पूर्णतः तुटलेला होता. त्याचे ऑपरेशन करणे आवश्यक होते, अन्यथा त्याला कायमचे अपंगत्व येण्याची भीती होती, अशावेळी कुटूंबियांना पैसाची खूप गरज होती. परंतु घरची परिस्थिती हलाखीची, घरात वडील आणि त्याचा मोठा भाऊ सोबत महेश गट्टू राहतात.

सदर परिवार मजुरी करून आपल्या कुटुंबाची उदरनिर्वाह करतात. त्यातच या अपघातामुळे कुटुंबावर मोठं संकट निर्माण झाले होते. याची माहिती भाजपा कार्यकर्त्यांनी माजी पालकमंत्री राजे अम्ब्रीशराव महाराज यांच्या पर्यंत पोहचविलेअसता राजे अम्ब्रीशराव महाराजांनी विलंब न करता कुटूंबियांशी मोबाईल वरून संपर्क करीत संपूर्ण माहिती घेतली आणि तातडीने आपल्या कार्यकर्ते मार्फत ४०,०००- ( चाळीस हजार रुपये) आर्थिक मदत पाठविले.

कठीण समयी राजेंनी तातडीने आर्थिक मदत केल्याने कुटूंबियांचे अश्रू अनावर झाले होते. त्यांनी दानशूर राजे अम्ब्रीशराव महाराज यांचे आभार मानले आहे. ही आर्थिक मदत करतांना राजे साहेबांचे कार्यकर्ते शंकर नरहरी, संपत दाया, शाहरुख पठाण, चंद्रशेखर चेम्मकारी, निखिल वेमुला, राजेश संतोषपू, शाम बेज्जनी, महेश जितबाईना, रामकृष्ण रणजित बंडम, विशाल गाडीचेरला, अरविंद वे्मुला सह अनेक कार्यकर्ते तसेच गावकरी उपस्थित होते.