महत्वाच्या बातम्या

देसाईगंज येथील बचत गटाच्या महिलांना दिली योजनांची माहिती

विदर्भ न्यूज एक्सप्रेस
प्रतिनिधी / देसाईगंज : महिला आर्थिक विकास महामंडळाच्या पुढाकाराने तालुक्यात राष्ट्रीय श्रमिक शिक्षा विकास बोर्ड अंतर्गत बचत गटाच्या महिलांना प्रशिक्षण दिले जात आहे. यानुसार कोरेगाव परिसरातील महिलांना मार्गदर्शन करण्यात आले. कार्यक्रमात कृषी व कृषी संलग्न उत्पादनाची प्रक्रिया आणि पंतप्रधान रोजगार कार्यक्रम आदी योजनेची व्याप्ती व अंमलबजावणीसाठी विस्तृत मार्गदर्शन करण्यात आले. प्रसंगी भारत सरकार श्रम व रोजगार मंत्रालयाचे नागपूर येथील क्षेत्रीय सल्लागार रत्नपारखी, मंडळ कृषी अधिकारी रुपेश मेश्राम, कृषी पर्यवेक्षक भूषण देशमुख तसेच आत्माचे तालुका तंत्रज्ञान व्यवस्थापक व्ही.डी. रहांगडाले उपस्थित होते.