ग्यारापत्ती हद्दित पोलिस - नक्षल चकमक, नक्षल साहित्य जप्त


विदर्भ न्यूज एक्सप्रेस
प्रतिनिधी / गडचिरोली :
कोरची तालुक्यातील ग्यारापत्ती पोलिस मदत केंद्राच्या हद्दीत सि - ६० पोलिस जवान आणि नक्षल्यांमध्ये झालेल्या चकमकीत मोठ्या प्रमाणात नक्षली साहित्य जप्त करण्यात आले आहेत. या चकमकीत कोणतीही जिवीतहाणी झाली नाही. सदर घटना आज ४ सप्टेंबर रोजी सकाळी १० वाजताच्या सुमारास घडली.
सि - ६० पोलिस जवान ग्यारापत्ती जंगल परिसरात नक्षलविरोधी अभियान राबवित होते. यावेळी दबा धरून बसलेल्या नक्षल्यांनी जवानांवर अंदाधुंद गोळीबार सुरू केला. पोलिस जवानांनीही प्रत्युत्तरादाखल गोळीबार केला. पोलिसांचा वाढता दबाव पाहून नक्षल्यांनी जंगलात पळ काढला. शोधमोहिमेदरम्यान घटनास्थळावर रायफल, वाॅकीटाॅकी, मेडीसीन, दैनंदिन वापराचे साहित्य, नक्षली गणवेश तसेच अन्य साहित्य आढळून आले आहे. या परिसरात नक्षलविरोधी अभियान तिव्र करण्यात आले आहे.

 



  Print






News - Gadchiroli | Posted : 2018-09-04




Related Photos