एक पाऊल मुलांच्या शिक्षणासाठी ! ... शाळा विरहीत गावांना रात्री पालक भेटी


विदर्भ न्यूज एक्सप्रेस 
तालुका प्रतिनिधी / भामरागड :
भामरागड हे अतिशय दुर्गम, डोंगराळ, जंगलव्याप्त, आदिवासी, नलक्षग्रस्त, समस्याग्रस्त, चांगल्या रस्त्याचा, कनेक्टीव्हिटीचा अभाव, निसर्ग संस्कृतीवर जीवनमान जगणारा, निरक्षरतेचे प्रमाण जास्त प्रमाणात असलेला अगदी साधा आणि प्रामाणिक लोकांचा भाग म्हणून सुपरीचित आहे. त्याचे कारणेही तसेच आहेत.
गट साधन केंद्र भामरागडच्या वतीने गटशिक्षणाधिकारी अश्विणी सोणावने यांच्या मार्गदर्शनात भामरागड तालुक्यातील ज्या गावात शाळा नाही, मुलांना शिक्षणाच्या मुख्य प्रवाहात दाखल करण्यात येणार अशा शाळा विरहीत गावातील पालकांच्या भेटी घेण्याचा उपक्रम राबविण्यात येत आहे. यासाठी एक नियोजन सभा सुद्धा घेण्यात आली. यामुळे  १० जून च्या रात्री भामरागडचे उपक्रमशील साधनव्यक्ती चांगदेव सोरते यांच्या नेतृत्वात धुडेपल्ली, पोकुर या गावी पालक सभा घेऊन शाळाबाह्य मुलांना शाळेत दाखल करण्यासाठी गावातील पालक - युवक - महीला मंडळी यांना शिक्षणाचे महत्त्व व शासनाच्या विविध प्रकारच्या शैक्षणिक योजनांची माहिती देत मुलांना शाळेत प्रवेशीत करण्यासाठी विनंती करण्यात आली. एक अभिनव उपक्रम राबविले जात आहे. या उपक्रमामुळे दूर्गम भागातील शाळा विरहीत गावांना फायदा होणार आहे. तसेच भामरागड तहसील कार्यालयाच्या वतीने तालुक्यातील सर्व आदिवासी मुलांना जातीचे प्रमाणपत्र देण्याचा उपक्रम तहसिलदार कैलास अंडील यांच्या नेतृत्वात राबविण्यात येत आहे. सदर योजनांची  माहिती उपस्थितांना देण्यात आली.
 सदर  उपक्रम एक आदर्श उपक्रम ठरण्याची शक्यता आहे. त्यामुळे आदर्श कृतीच आदर्श नागरीक निर्माण करू शकते. असे सर्वत्र बोलल्या जात आहे. आपण एक चळवळ म्हणुन सदर उपक्रमात हिररीने सहभाग घेऊन गाव वासीयांना आनंद मिळवू देऊ अशी प्रतिक्रिया चांगदेव सोरते यांनी व्यक्त केली आहे.  गावकऱ्यांशी संवाद साधण्यात आला.आपल्या मुलांना शाळेत प्रवेश मिळणार या विचाराने गावकऱ्यांच्या चेहऱ्यावरील आनंद दिसून येत होते.

 



  Print






News - Gadchiroli | Posted : 2019-06-11






Related Photos