वरोरा पोलिसांची जुगार अड्ड्यावर धाड
विदर्भ न्यूज एक्सप्रेस
तालुका प्रतिनिधी / वरोरा : वरोरा शहरातील मुख्य रस्त्यावर एका घरामध्ये काही व्यक्ती जुगार खेळत असल्याची माहिती पोलिसांना मिळताच पोलिस पथकाने धाड टाकली असता नऊ व्यक्तीं सह मोठी रोकड ताब्यात घेतली.
सविस्तर वृत्त असे की, शनिवारला सायंकाळी सहा वाजताच्या सुमारास गुप्त माहितीच्या आधारे उपविभागीय पोलीस अधिकारी आयुष नोपाणी, परिविक्षाधीन पोलीस अधिकारी योगेश रांजणकर यांच्या मार्गदर्शनात पोलीस पथकाने शहरातील मुख्य रस्त्या लागत असलेल्या मंदिर वॉर्डातील एका घरावर धाड टाकली. यात पोलिसांना नऊ व्यक्ती जुगार खेळत असताना आढळले. पोलिसांना पाहताच काहींनी पळ काढला. पोलिसांनी घटनास्थळ स्थळावरून एक लाख ८६ हजार रुपये नगदी तसेच मोबाईल फोन्स आणि मोटारसायकली जप्त करीत एकूण तीन लाख १४ हजार ६५० रुपयाचा ऐवज जप्त केला. सर्व आरोपींना महाराष्ट्र जुगार कायदा अंतर्गत पोलिसांनी अटक केली.
पोलीस उपनिरीक्षक किशोर मित्तलवार तसेच पोलीस कर्मचारी मधुकर आत्राम, विठ्ठल काकडे, जावेद शेख, सुशांत निमगडे, दीपक मेश्राम आधी सहभागी झाले होते.
News - Gadchiroli