कोनसरी लोहप्रकल्प येथे अपघातात ट्रैक्टर चालकाचा मृत्यु

विदर्भ न्युज एक्सप्रेस
तालुका प्रतिनिधी / चामोर्शी : तालुक्यातील नवनिर्मित कोनसरी येथील लोहखनिज प्रकल्पात ट्रॅक्टर चालकाचा अपघाती मृत्यू झाल्याची घटना २७ ऑक्टोबर गुरुवारी १२ वाजून २० मिनिटांनी घडली.
मिथुन निर्मल मंडल (38) रा. बहादूरपूर ता. चामोर्शी जि. गडचिरोली असे मृतकाचे नाव आहे.
कोनसरी लोहखनिज प्रकल्पात गिट्टी भरलेला हायवा ट्रक ट्रॅक्टरवर उलटल्याने ट्रॅक्टर चालक मिथुन त्याखाली दबला गेला. व तो गंभीर जखमी झाला त्याला उपचारासाठी आष्टी येथील ग्रामीण रुग्णालयात दाखल करण्यात आले. डॉक्टरांनी त्याला मृत घोषित केले. मृतक मिथुन मंडल यांच्या मागे पत्नी, तीन मुली व आई वडिल असा परिवार असून या दुर्दैवी घटनेने त्यांच्यावर दुःखाचा डोंगर कोसळला आहे.