महत्वाच्या बातम्या

महात्मा गांधी महाविद्यालयात पद्मश्री डॉ. एस.आर. रंगनाथन यांची १३१ वी जयंती साजरी

- महाविद्यालयीन विद्यार्थ्यांनी ग्रंथालयातील नवीन तंत्रज्ञानाशी अवगत होऊन सेवांचा लाभ घ्यावा व जीवनात यशस्वी व्हावे : डॉ. चंद्रकांत डोर्लीकर

विदर्भ न्यूज एक्सप्रेस

तालुका प्रतिनिधी / आरमोरी : आपल्या ग्रंथालयात जुन्या ग्रंथासोबतच हजारो नवनवीन ग्रंथाचा संग्रह आहे. यात विविध स्पर्धा परीक्षा उपयुक्त ग्रंथ सुद्धा आहे. दरवर्षी यात नवनवीन ग्रंथाची भर पडत असते. आजच्या आधुनिक युगात नवनवीन तंत्रज्ञानामुळे प्रत्यक्ष ग्रंथालयात जाऊन वाचन करण्याची परंपरा लोप पावत आहे. परंतु प्रत्येक ग्रंथ किंवा साहित्य तंत्रज्ञानाच्या मदतीने मिळेलच असे नाही. तेव्हा त्याकरिता ग्रंथालयात जाणे अनिवार्य होते. ग्रंथालयाच्या वाचन कक्षात बसून वाचन करण्याचा आनंद वेगळाच असतो. त्यामुळे सर्व विद्यार्थ्यांना आव्हान करतो कि, त्यांनी नियमितपने ग्रंथालयाच्या सहवासात राहुन नवनवीन साहित्याचे वाचन केले पाहिजे, असे प्रतिपादन उपप्राचार्य डॉ. चंद्रकांत डोर्लीकर यांनी केले. पद्मश्री डॉ. एस.आर. रंगनाथन यांच्या १३१ व्या जयंती प्रसंगी अध्यक्ष स्थानावरून बोलत होते.

स्थानिक महात्मा गांधी कला, विज्ञान व स्व. न.प. वाणिज्य महाविद्यालय, आरमोरी येथे प्राचार्य डॉ. लालसिंग खालसा यांच्या मार्गदर्शनाखाली ग्रंथालय विभाग व अंतर्गत गुणवत्ता हमी सेल (IQAC) याच्या संयुक्त विद्यमाने पद्मश्री डॉ. एस.आर. रंगनाथन यांची १३१ वी जयंती महाविद्यालयाच्या ग्रंथालयात साजरी करण्यात आली. यावेळी कार्यक्रमाचे अध्यक्ष म्हणून महाविद्यालयाचे उपप्राचार्य डॉ. चंद्रकांत डोर्लीकर, प्रमुख वक्ते म्हणून ग्रंथालय विभाग प्रमुख डॉ किशोर वासुर्के, IQAC समन्वयक डॉ. सतीश कोला सांस्कृतिक विभाग प्रमुख प्रा. शशिकांत गेडाम, ग्रंथालय समिती सदस्य डॉ. नोमेश मेश्राम व डॉ. विजय रैवतकर मंचावर उपस्थित होते.

या प्रसंगी प्रमुख मार्गदर्शक व ग्रंथालय विभाग प्रमुख डॉ. किशोर वासुर्के यांनी पद्मश्री डॉ. एस.आर. रंगनाथन यांच्या जीवनकार्याचा परिचय करून देऊन त्यांचे भारतातील ग्रंथालय आधुनिकीकरणासाठीचे अमूल्य योगदानाची माहिती दिली आणि विध्यार्थ्यांना ग्रंथालयातील नवीन तंत्रज्ञानाचा वापराच्या सूचना करून त्याचा लाभ घेण्याचे आवाहन केले.

यावेळी संस्थेचे माजी अध्यक्ष स्व. किशोर वनमाळी यांच्या जयंती निमित्य त्यांना विनम्र अभिवादन करण्यात आले. त्यांच्या जयंती प्रित्यर्थ मनोहर शिक्षण प्रसारक मंडळ आरमोरी चे सचिव मनोज वनमाळी यांच्याकडून महाविद्यालय ग्रंथालयास ९९ ग्रंथांची भेट देण्यात आली. याशिवाय कवी नोमेश नारायण लिखित रक्ताफुलाचे ताटवे या मराठी काव्यसंग्रहाच्या प्रती महाविद्यालयाचे प्रा. डॉ. नोमेश मेश्राम यांनी ग्रंथालयास भेट दिल्या.

या निमित्याने महाविद्यालय ग्रंथालयाच्या वाचन कक्षात IQAC च्या मार्गदर्शनाखाली स्पर्धा परीक्षा वाचन साहित्य ग्रंथ प्रदर्शनाचे आयोजन करण्यात आले. यावेळी डॉ. सतीश कोला, डॉ. छगन मुंगमोडे, डॉ. विजय गोरडे, प्रा. पराग मेश्राम, डॉ. वसंत काहलकर, डॉ. मनोज ठवरे, डॉ. जयेश पापडकर, प्रा. मोहन रामटेके, डॉ. प्रियदर्शन गणवीर, प्रा. स्नेहा मोहुर्ले, प्रा. सुनंदा कुमरे याशिवाय इतर प्राध्यापक वर्ग, शिक्षकेतर कर्मचारी, ग्रंथालय कर्मचारी स्नेहा कटुकाळे आणि बहुसंख्येने विद्यार्थी उपस्थित होते.

कार्यक्रमाचे संचालन व प्रास्ताविक ग्रंथालय समिती सदस्य डॉ. विजय रैवतकर यांनी केले तर आभार ग्रंथालय कर्मचारी अनुज घोसे यांनी मानले कार्यक्राच्या यशस्वीतेत प्रा. दिलीप घोनमोडे यांनी सहकार्य केले.