युवकांनी वॉर्डातील समस्यांना वाचा फोडावी : जि.प.उपाध्यक्ष अजय कंकडालवार


विदर्भ न्यूज एक्सप्रेस 
प्रतिनिधी /   अहेरी :
युवकांनी  खेळाच्या माध्यमातून   एकत्रित येवून   वार्डातील समस्याबाबत  चर्चा करावी. समस्या आमच्यापर्यंत पोहचवाव्यात. आज  राजनगरीत विविध समस्या आहेत . मात्र  हूकूमशाहीमुळे नागरिक समस्याना वाचा फोडायला तयार नाहीत.  त्यामूळे युवकांनी मनात भीती न बाळगता आमच्यासमोर समस्या मांडच्यांत . सदर समस्यांचे निराकरण करण्यास आम्ही तत्पर आहोत  अशी ग्वाही जिल्हा परिषद उपाध्यक्ष अजय कंकडालवार यांनी दिली. उद्घाटन माजी आमदार दीपक आत्राम यांच्याहस्ते करण्यात आले. 
 सेव्हन स्टार क्रिकेट क्लब अहेरी द्वारा गाणली  मोहल्ला येथे आज १० नोव्हेबर रोजी भव्य टेनिस बाल क्रिकेट सर्कल सामन्यांचे उद्घाटन कार्यक्रम घेण्यात आले. या प्रसंगी बोलतांना माजी  आमदार दिपक  आत्राम म्हणाले, युवकांनी  शारीरिक, मानसीक व बौद्धिक विकास करण्यासाठी  क्रिडा स्पर्धा  ही काळाची  गरज आहे. त्याचबरोबर दीपावलीच्या  सुट्या असल्याने युवकांनी खेळीमेळीच्या वातावरणात ही स्पर्धा पार पाडावी असे  आवाहन केले. 
 कार्यक्रमाला प्रमुख अतिथी म्हणून अहेरी पंचायत समितीच्या   सभापती सुरेखाताई  आलाम , जि.प.सदस्या सुनिता कुसनाके , प.स सदस्य भास्कर तलांडे  प.स.सदस्या गीताताई चालुरकर, सामाजिक कार्यकर्त्या  लक्ष्मी  कूळमेथे , प्रसाद मद्दीवार, बाबुराव मूलकलवार , तोटावार, कृष्णा  बोम्मावार , शैलू मडावी आदी उपस्थित होते.  क्रिकेट स्पर्धा यशस्वीतेसाठी मंडळाचे युवक सारंग लेनगुरे, रोहित मूलकलवार, त्रीवेन्द आत्राम, वीक्की शिवरकर व युवक,   ग्रामस्थ  आदींनी सहकार्य केले. 



  Print






News - Gadchiroli | Posted : 2018-11-10






Related Photos