महत्वाच्या बातम्या

 एटीएम कार्डची अफरातफर करून फसवणुक करणारे आंतरराज्य टोळी ब्रम्हपुरी पोलीसांच्या ताब्यात


विदर्भ न्यूज एक्सप्रेस 

प्रतिनिधी /  चंद्रपूर : विविध बँकाकडून जनतेच्या सोईसाठी उपलब्ध होणारे एटीएम कार्ड द्वारे फसवणूक करुन त्यांच्या कष्टाचे पैसे दुसऱ्या एटीएम मशीनमधून काढून लुबाडणूक करणारी हरीयाणा राज्याची टोळी ब्रम्हपरी पोलीसांच्या हाती लागून एका रॅकेट उघड झाले आहे. गुन्हयातील आरोपीतांची टोळी वेगवेगळ्या राज्यात फिरुन एटीएममध्ये गर्दी पाहुन ज्यांना एटीएम कार्ड वापरता येत नाही त्यांना हेरून पैसे काढण्याकरीता मदत करण्याचे बहाण्याने त्यांचे एमटीएम कार्ड ची अदलाबदली करून दुसरे एटीएम कार्ड देवुन वेगवेगळ्या एटीएममधून पैसे काढुन फसवणुक करीत होते.

२५ नोव्हेंबर २०२२ रोजी ब्रम्हपुरी येथील एसबीआई बँकेच्या एटीएम मध्ये पैसे काढण्यास गेलेले माजी सैनीक वामन गोसाई दिघोरे रा. किन्ही ता. ब्रम्हपुरी याना अज्ञात आरोपीने पैसे काढण्यात मदत करण्याच्या बहाण्याने त्यांचे एटीएम कार्ड बदलुन दुसरे कार्ड दिले. त्यांना त्यावेळी सदर फसवणुक लक्षात आली नाही. ३ दिवसांनी परत एटीएम मध्ये जावुन पैसे काढण्याचा प्रयत्न केला असता तेव्हा माहीत झाले की, आपली फसवणुक झाली आहे. त्यांनी बँकेत जावुन स्टेटमेंट काढले असता १० हजार रु. वडसा येथील एटीएम मधुन विड्रॉल झाल्याचे समजले तसेच ७४ हजार ९९७ रु. ऑनलाईन ट्राइझेक्शन झालेले दिसले असे एकुण ८४ हजार ९९७ रुपयांची फसवणुक झालेली असल्याने त्यांनी पोलीस स्टेशन ब्रम्हपुरी येथे अज्ञात आरोपी विरुद तकार दिल्याने अप.क्र. ५८७/२०२२ कलम ४२० भादंवि अन्वये गुन्हा नोंद करण्यात आला. गुन्हयाचे तपासादरम्यान सीसीटिव्ही फुटेज व विविध तांत्रिक पुराव्याच्या आधारे यातील आरोपी हे मौजा हंसी जि. हिसार राज्य हरियाणा येथील असल्याचे निष्पन्न झाले असून ते वापरत असलेले वाहन हरीयाणा पासॉग आहे. याची खात्री पटली. त्याआधारे आरोपींचा शोध सुरु झाला. सदर ठिकाणी ०७ नोव्हेंबर २०२२ ला पथक पाठविले असता आरोपी हे त्या ठिकाणावरुन पसार झाले होते.

१९ फेब्रुवारी २०२३ रोजी सायंकाळी ब्रम्हपूरी पोलीसांना गोपनीय माहिती मिळाली कि, गुन्हयातील आरोपी हे आदिलाबाद कडे अश्याप्रकारचा गुन्हा करण्यासाठी निघाले असल्याने तात्काळ पोलीस पथक गठीत अन्य वेळगावा कडे रवाना केले पथकाला पन्हा माहिती मिळाली की, आरोपी हेटाटा नेक्सान कार क. एच आर २१ पी ०१२५ ने आदिलाबाद करुन नागपुर कडे जात आहे. तेव्हा पोलीस पथकाने त्याचा पाठलाग करीत असताना आरोपी हे चारचाकी वाहनाने समोर असल्याने पोस्टे बुटीबोरी नागपुर ग्रामीण पोलीसांना कळवून त्याचे सहकार्याने कार थांबवुन कारमधुन तीन इसमास ताब्यात घेण्यात आले. १) जोगीदरसिंह चंदरसिंह बिट्टु (२६) रा. पुठठी सामान ता. नारनोद जि. हिसार राज्य हरीयाणा २) राजेश रेलुराम माला (४५) वर्ष रा. हंसी जि. हिसार राज्य हरीयाणा ३) पुनीत शिवदत्त पांचाल (३२) रा. बुडाबाबा वस्ती जिंद ता. जि. जिंद राज्य हरीयाणा यांच्या ताब्यातून ७२ एटीएम कार्ड, ४३ हजार रु. रोख रक्कम, ०३ मोबाईल, गुन्हा करण्याकरीता वापरण्यात आलेली टाटा नेक्सॉन कार क्र. एचआर-२१. पी०१२५ वाहन जप्त करण्यात आले. सदर आरोपीच्या ताब्यातुन जप्त करण्यात आलेले एटीएम कार्ड विविध राज्यातील व्यक्तीचे असल्याने आरोपी राजस्थान, गुजरात, तेलगांना, मध्यप्रदेश, महाराष्ट्र अशा विविध राज्यामध्ये एटीएमची अदलाबदल करुन नागरिकांची फसवणुक करीत असल्याचा दाट संशय आहे. सदर आरोपी सध्या पोलीसांच्या अटकेत आहेत.

सदरची कार्यवाही रविंद्रसिंह परदेशी, पोलीस अधिक्षक चंद्रपुर व रिना जनबंधु, अपर पोलीस अधिक्षक चंद्रपुर यांच्या सुचनेप्रमाणे मिलींद शिंदे, उपविभागीय पोलीस अधिकारी ब्रम्हपूरी व पो. नि. रोशन यादव सा. पो. स्टे. ब्रम्हपुरी यांच्या मार्गदर्शनाखाली सपोनी प्रशांत ठवरे, नापो / २५५२ मुकेश गजबे, नितीन भगत / २३७९, योगेश शिवणकर / १७३४, पोशी / २३३२ संदेश देवगडे, विजय मैंद / ९६३, अजय कटाईत / २५२२ यांनी केलेली आहे. गुन्हयाचा पूढील तपास सपोनी प्रशांत ठवरे करीत आहेत.  





  Print






News - Chandrapur




Related Photos