अखेर माजी आमदार सुभाष धोटे यांनी दिला जिल्हा काँग्रेस कमिटीच्या अध्यक्षपदाचा राजीनामा


विदर्भ न्यूज एक्सप्रेस 
प्रतिनिधी / चंद्रपूर
:  जिल्हा काँग्रेस कमिटीचे अध्यक्ष व माजी आमदार सुभाष धोटे यांनी जिल्हाध्यक्षपदाचा राजीनामा दिला आहे. प्रदेशाध्यक्ष अशोक चव्हाण यांच्याकडे त्यांनी राजीनामा पाठवला आहे. राजुरा येथील आदिवासी मुलींच्या लैंगिक शोषण प्रकरणात असंवेदनशील वक्तव्य  केल्यामुळे धोटे यांच्याविरोधात काल चंद्रपुरात अनुसूचित जाती-जमाती प्रतिबंधक कायद्याअंतर्गत गुन्हा दाखल झाला होता.
‘पोक्सोअंतर्गत गुन्हा दाखल झाला तर सरकारकडून पैसे मिळतात आणि त्यामुळे आदिवासी मुली अत्याचार झाल्याची तक्रार देण्यासाठी मोठय़ा प्रमाणात पुढे येत आहेत’ असे अत्यंत संतापजनक वक्तव्य काँग्रेसचे आमदार विजय वडेट्टीवार आणि जिल्हाध्यक्ष सुभाष धोटे यांनी केले होते. या संतापजनक वक्तव्याचा आदिवासी समाजातर्फे तीव्र निषेध करण्यात आला होता. त्यांना राज्य महिला आयोगाने देखील नोटीस बजावली आहे. प्रत्यक्ष उपस्थित राहून उत्तर देण्याचे आदेश राज्य महिला आयोगाने दिले आहेत. 



  Print






News - Chandrapur | Posted : 2019-04-26






Related Photos