अखिल भारतीय मराठी नाट्य संमेलन च्या प्रतिक चिन्हाचे अनावरण


विदर्भ न्यूज एक्सप्रेस 
मनोरंजन प्रतिनिधी / मुंबई :
अखिल भारतीय मराठी नाट्य परिषदेच्या ९९ व्या नाट्य संमेलनाच्या प्रतिक चिन्हाचे  ना. देवेंद्र फडणवीस मुख्यमंत्री महाराष्ट्र राज्य यांच्या हस्ते अनावरण करण्यात आले. 
 ९९ वे अखिल भारतीय मराठी नाट्य संमेलन नागपूर येथे फेब्रुवारी मध्ये २२, २३, २४, आणि २५ या तारखेला होणार आहे. ३४ वर्षा पूर्वी म्हणजेच १९८५ साली नटवर्य प्रभाकर पणशीकर ह्यांनी नाट्य संमेलनाचे अध्यक्ष पद भूषवले होते. आणि आता ९९ व्या नाट्यसंमेलनाचे अध्यक्ष नाटककार   प्रेमानंद गज्वी हे आहेत.
 महाराष्ट्र राज्याचे मुख्यमंत्री  ना.  देवेंद्र फडणवीस ह्यांच्या शुभ हस्ते नाट्य संमेलनाच्या प्रतिक चिन्हाचे { LOGO } अनावरण नुकतेच नागपूर येथे करण्यात आले. ह्या प्रसंगी नाट्य परिषदेचे मुंबईचे उपाध्यक्ष [ उपक्रम ]   नरेश गडेकर, नागपूर येथील स्वागत समितीचे संयोजक   संदीप जोशी, प्रमुख निमंत्रक   प्रफुल्ल फरकसे, स्वागत समितीचे सरचिटणीस   किशोर आयलवार हे उपस्थित होते.  ना.  नितीन गडकरी केंद्रीय मंत्री, भारत सरकार, हे या नाट्य संमेलनाचे स्वागताध्यक्ष असून ना.  देवेंद्र फडणवीस मुख्यमंत्री महाराष्ट्र राज्य यांच्या मार्गदर्शनात हा नाट्य संमेलनाचा सोहळा होणार आहे. जागतिक कीर्तीचे नाटककार प्रा. महेश एलकुंचवार हे नाट्य संमेलनाचे उद्घाटक आहेत. अ.भा.म.नाट्य परिषद मध्यवर्तीच्या सहाय्याने आणि अध्यक्ष    नवनाथ [ प्रसाद ] कांबळी यांच्या मार्गदर्शनात तसेच उपक्रम उपाध्यक्ष   नरेश गडेकर यांच्या सहयोगाने नाट्य संमेलनाची तयारी सुरु आहे. कार्याध्यक्ष डॉ गिरीश गांधी, संयोजक   संदीप जोशी, समन्वयक  प्रवीण दटके यांची स्वागत समिती संमेलन यशस्वी करण्यासाठी जोमाने कार्य करीत आहेत.



  Print






News - Nagpur | Posted : 2019-01-30






Related Photos