महत्वाच्या बातम्या

 आजची परिस्थिती ही सामान्यांसाठी अन्यायकाल : विरोधी पक्षनेते विजय वडेट्टीवार यांची टीका


विदर्भ न्यूज एक्सप्रेस 

प्रतिनिधी / गडचिरोली : विधानसभेतील विरोधी पक्षनेते व काँग्रेस नेते विजय वडेट्टीवार यांनी ट्विटरवर एक व्हिडीओ शेअर करत भाजपवर टीका केली आहे. वडेट्टीवार यांनी गडचिरोली जिल्ह्यातील एका एसटी बसचा व्हिडीओ शेअर केला असून ही बस प्रवाशांनी तुंडुब भरलेली आहे.

बुधवारी पंतप्रधान नरेंद्र मोदी हे यवतमाळ येथे येणार आहेत. त्यासाठी गडचिरोली जिल्ह्यातील अहेरी आगारातून दहा बसेस पाठवण्यात आल्या आहेत. त्यामुळे आधीच बसेसची संख्या कमी असलेल्या आगारातून दहा बस कमी झाल्याने इतर बसमध्ये मोठ्या प्रमाणात गर्दी झाली होती.

या बसमधील गर्दीचा एक व्हिडीओ विजय वडेट्टीवार यांनी ट्विटरवर शेअर केला असून त्यासोबत पोस्ट शेअर करत भाजपला फटकारले आहे. अमृतकाल तर फक्त भाजप नेत्यांसाठी, सामान्य जनतेसाठी तर आजची परिस्थिती ही अन्यायकाल! गृहमंत्री देवेंद्र फडणवीस पालकमंत्री असलेल्या गडचिरोली जिल्ह्यातील अहेरी आगारात अगोदरच बसेसची कमतरता आहे. त्यात यवतमाळ येथे पंतप्रधान नरेंद्र मोदी यांच्या होणाऱ्या कार्यक्रमासाठी १० बसेस येथून पाठविण्यात आल्या. या निर्णयाचा फटका मात्र येथील विद्यार्थी, प्रवास करणाऱ्या गर्भवती महिला आणि गोरगरीब प्रवाशांना बसत आहे, अशी टीका वडेट्टीवार यांनी केली आहे.





  Print






News - Gadchiroli




Related Photos