मुरमाडीत साजरा झाला ग्रामपंचायतीचा वाढदिवस , ज्येष्ठ नागरिकांचा केला सत्कार


विदर्भ न्यूज एक्सप्रेस 
प्रतिनिधी / गडचिरोली : 
 तालुक्यातील  मुरमाडी येथे दरवर्षीप्रमाणे यावर्षी सुद्धा   ग्रामपंचायतीचा वाढदिवस काल १ जानेवारी रोजी उत्साहात  साजरा करण्यात आला. त्याप्रित्यर्थ ज्येष्ठ नागरिकांचा सत्कार समारंभ आयोजित करण्यात आला होता. 
कार्यक्रमाच्या  अध्यक्षस्थानी  सरपंचा  मंगला मडावी होत्या. कार्यक्रमाला उपसरपंच फिरोज कोहपरे ,अण्णा हजारे विचार मंचाचे जिल्हा सचिव देवेंद्र ब्राम्हणवाडे, भगवान  गेडाम, अण्णा हजारे विचार मंचाचे तालुका अध्यक्ष अनुरथ निलेकर, तंटामुक्त समितीचे अध्यक्ष कवळू भुसारी, ज्येष्ठ नाट्यकर्मी व्ही देशमुख, ग्रामपंचायत सदस्य गिरीधर कोडाप, शैलेश बांबोळे, दिलीप सयाम, सारिका आवारी,हिरकण्या बोरकर,लता नैताम, पुरुषोत्तम बांबोळे, अशोक भुसारी,खुशाल भुसारी  उपस्थित होते. ज्येष्ठ नागरिक   काशिनाथ भादे यांचे हस्ते केक कापून ग्रामपंचायत मुरमाडीचा वाढदिवस साजरा करण्यात आला. यावेळी  काशीनाथ भादे, किसन बोरकर, गोपाळा निलेकर,  लक्ष्मीबाई कलसार, सखुबाई नैताम, कमलाबाई बांबोळे, दुमाबाई आवारी यांचा साडी धोतर देऊन सत्कार करण्यात आला. सर्व कार्यक्रमानंतर  जनजागृती पर ,अंधश्रद्धा निर्मूलन पर, स्वच्छ भारत कार्यक्रमावर चेतन ठाकरे  यांचा भारुडाचा कार्यक्रम घेण्यांत आला. 



  Print






News - Gadchiroli | Posted : 2019-01-02






Related Photos