तिहेरी तलाकच्या मुद्द्यावरून विरोधकांचा प्रचंड गदारोळ, राज्यसभेचे कामकाज २ जानेवारीपर्यंत स्थगित


वृत्तसंस्था / नवीदिल्ली :  तिहेरी तलाकच्या मुद्द्यावरून विरोधकांनी राज्यसभेत प्रचंड गदारोळ घातल्यामुळे  राज्यसभेचे  कामकाज २ जानेवारीपर्यंत स्थगित करण्यात आले आहे.   लोकसभेतही तिहेरी तलाक च्या  विधेयकाला  मंजुरी मिळाली तेव्हा काँग्रेससह अनेक विरोधकांनी सभात्याग केला होता. 
तिहेरी तलाक विधेयक लोकसभेत २४५ विरूद्ध ११ अशा फरकाने मंजूर झालं. विधेयकावरील चर्चेत विविध पक्षाच्या नेत्यांनी त्यांची भूमिका मांडली. हे विधेयक कुठल्याही धर्म किंवा समाजाविरोधात नाही. महिलांचे हक्क, त्यांच्या सन्मानासाठी असल्याचं कायदेमंत्री रवीशंकर प्रसाद यांनी लोकसभेत म्हटलं होतं. लोकसभेतही विरोधकांनी गोंधळ घातला होता. मात्र राज्यसभेत विरोधक आणि सत्ताधारी यांनी या विधेयकासंदर्भातही जय्यत तयारी केली होती. तरीही विधेयक मांडतात राज्यसभेत खासदारांनी प्रचंड गदारोळ घातला. यामुळे राज्यसभेचं कामकाज अखेर २ जानेवारीपर्यंत स्थगित करण्यात आलं आहे.



  Print






News - World | Posted : 2018-12-31






Related Photos